Elbasy Shómishbaı Sarıevtiń qaıtys bolýyna baılanysty kóńil aıtý jedelhatyn joldady
Qazaqstannyń Tuńǵysh Prezıdenti belgili aqyn, Qazaqstannyń eńbek sińirgen qaıratkeri Shómishbaı Sarıevtiń ómirden ótýine baılanysty aýyr qaıǵyǵa ortaqtasyp, kóńil aıtty.
«Shómishbaı Naǵashybaıuly qazaq poezııasynyń kórnekti ókili, táýelsiz elimizdiń shynaıy patrıoty retinde ulttyq ádebıetimiz ben rýhanııatymyzdyń damýyna súbeli úlesin qosyp, artyna mol mura qaldyrdy. Ol qalyń oqyrmanǵa lırıkalyq jyrlarymen qatar kóptegen án mátinderi arqyly keńinen tanylǵan talant ıesi bolatyn.
Kópshiliktiń ystyq yqylasyna bólengen qarymdy qalamger, daryndy tulǵa, abzal azamattyń ǵıbratty ǵumyry men jarqyn beınesi jurtshylyq jadynda árdaıym saqtalady dep senemin», – delingen jedelhatta.
Qazaqstannyń eńbek sińirgen qaıratkeri Shómishbaı Sarıev 75 jasqa qaraǵan shaǵynda qaıtys boldy.