Elbasy «Shevron» kompanııasynyń bas atqarýshy dırektory Djon Ýotsonmen kezdesti
Kezdesý barysynda taraptar Qazaqstannyń «Shevron» kompanııasymen munaı-gaz salasyndaǵy yntymaqtastyǵyn odan ári nyǵaıtý máselelerin talqylady.
Memleket basshysy munaı-gaz salasyna qatysty jobalardy birlese iske asyrýdyń tıimdiligin aıtyp, Djon Ýotsonǵa osy jumystardy atqarýǵa qosqan úlesi úshin rızashylyq bildirdi.
«Qazaqstan «Shevron» kompanııasymen erekshe qarym-qatynas ornatty. Biz shırek ǵasyrdan astam ýaqyttan beri birge jumys jasap kelemiz. Men birlese atqarǵan jumystaryńyz úshin Sizge alǵys aıtqym keledi. Biz sizdermen ózara tıimdi yntymaqtastyq ornata bildik», - dedi Qazaqstan Prezıdenti.
Djon Ýotson Qazaqstan men «Shevron» kompanııasynyń yntymaqtastyq máselelerin talqylap, ony ári qaraı damytýǵa qatysty pikir almasýǵa múmkindik týǵyzǵany úshin Nursultan Nazarbaevqa alǵys aıtty.
Kezdesýde Djon Ýotson Memleket basshysyna 2018 jyldyń aqpan aıynan bastap kompanııanyń bas atqarýshy dırektory bolatyn Maıkl Vırtti tanystyrdy.
