Elbasy: Shetelge ketetin qarajatty shekteý kerek
«Naryqtyq ekonomıkany damytýdyń arqasynda bizde baı ári aýqatty adamdar kóbeıdi. Árıne, baılardyń bolǵany jaqsy. Biraq olar Qazaqstandaǵy kapıtalyn shetelge shyǵaryp, sol jaqta ustaıdy. Búginde qarajatty shetelge shyǵarýdyń birden-bir joly ol - kúdikti ımporttyq-eksporttyq kelisimder. Ondaıda eksporter shetelge taýar men qyzmetterdi jiberedi, biraq aqshany almaıdy. Sol sııaqty ımporter taýar men qyzmetter úshin qarjyny shetelge aýdarady. Alaıda eshqandaı qyzmetti de, taýardy da almaıdy. Sóıtip, bárimizdi aldaıdy», - dedi Nursultan Nazarbaev.
Prezıdenttiń aıtýynsha, valıýta naryǵyna qatysty qazirgi zańnama kúdikti ımporttyq-eksporttyq kelisimderge jol berip, kapıtaldy shetelge shyǵarýǵa jaǵdaı jasap otyr.
«Máselen, qazirgi kezde 27 myń kelisim boıynsha qaryzdyń jalpy somasy 7,7 mlrd dollardy qurap otyr. Bul - eki jylda jınalǵan qarajat. Qazirgi zańnamada naqty shekteýler joq», - dep atap kórsetti Memleket basshysy.
Aıta keteıik, Prezıdenti Nursultan Nazarbaev sheteldegi qarjyny qaıtarýǵa qatysty arnaıy zańnamany ázirleýdi tapsyrdy. Atalǵan mindet Úkimet basshysy Baqytjan Saǵyntaevqa júkteldi .
