Elbasy sheneýnikterge bıznes-qaltany memlekettiń jumysymen esh shatastyrmaýdy qatań eskertti

ASTANA. QazAqparat - Búgin Aqordada ótken Úkimettiń keńeıtilgen otyrysy barysynda atqarýshy bıliktiń jańartylǵan quramy aıqyndaldy. Soǵan oraı, QR Prezıdenti N. Nazarbaev Úkimet músheleriniń aldaǵy jumysyna da toqtalǵan bolatyn.

«Eger bıznes-qaltańdy memleket jumysymen shatastyrsań, ertesinde-aq jumystan qýylasyń», - dep eskertti Nursultan Nazarbaev Ulttyq ekonomıka mınıstri retinde Erbolat Dosaevty tanystyra otyryp.

«Bul bireýińe ǵana emes, bárińe de baılanysty. Shyndyǵynda, bıznes sektordan tájirıbeli azamattardy tartýdyń esh aıyby joq. Bunda biz ondaı kásibı basshylardyń isti basqarýǵa septigin tıgizetinin esepke alamyz», - dedi N. Nazarbaev.

«Erbolat Dosaev ulttyq ekonomıka mınıstrligin basqarýǵa quzyry jetedi, kezinde Qarjy mınıstrliginde qyzmet etti, Densaýlyq saqtaý mınıstri boldy. Bızneste de jumys istedi. Ony osynda bıznesten shaqyrttyq. Jas, aǵylshyn tilin biledi», - dedi N. Nazarbaev.