Elbasy: Sheneýnikter balabaqshanyń ornyna saraılar salyp tastady
«Qarańyzdarshy, memlekettik-jekeshelik seriktestik boıynsha qanshama balabaqsha salynǵan. Aıta qoıarlyqtaı úlken sharýa emes eken. Al bizdiń sheneýnikter bolsa balabaqshalardyń ornyna saraılar salyp tastady, olardyń ishinde basseınderi bar. Buǵan qosa botanıkalyq baq pen mýzykalyq salon da bar. Bizde sportqa arnalyp basseınder salynǵan, mýzykalyq mektepter bar. Ata-analar jumys ýaqytynda balalaryn atalǵan balabaqshalarǵa beretindeı jaǵdaı jasap, balalardyń damýyna kómek berý kerek. Osy jumyspen aınalysqan jón», - dedi Nursultan Nazarbaev.
Elbasy keıbir salalardy jekege berýden qoryqpaý kerektigin aıryqsha atap ótti.
«Jekemenshik stomotologııalar jumys istep tur ǵoı. Memlekettik-jekeshelik seriktestik boıynsha salynyp jatqan mektepter men balabaqshalardy kórdim. Búginde balabaqsha ashý bıznes úshin tıimdi. Memleket sýbsıdııa bóledi, ata-analar da tólem jasaıdy, paıda tabýǵa bolady. Bıznes úshin jappaı balabaqsha salýdyń da qajeti joq... Kóppáterli úılerdiń birinshi qabatynda birneshe páter biriktirilip, 20-30 búldirshinge jaıly jaǵdaı jasalady. Endeshe osy jolmen júreıik», - dedi QR Prezıdenti.