Elbasy shaıbaly hokkeıden Qazaqstan men Qytaı qurama komandalarynyń oıynyn tamashalaýda
ASTANA. 1 aqpan. QazAqparat /Arman Asqarov/ - Astanadaǵy «Qazaqstan» sport kesheninde 7-Qysqy Azııa oıyndary aıasynda shaıbaly hokkeıden joǵary dıvızıondaǵy erler komandalary arasyndaǵy jarystary jalǵasýda.
Dál qazirgi ýaqyttarda Qazaqstan men Qytaı quramalary kezdesýde. Oıyndy QR Prezıdenti Nursultan Nazarbaev tamashalaýda.
Oıynnyń birinshi kezeńi aıaqtaldy. Qazaqstan quramasy Qytaıdyń qaqpasyna tórt birdeı shaıba saldy, esep 4:0.
Aıta keteıik, Elbasymen birge bul oıyndy Úkimet basshysy Kárim Másimov, Memlekettik hatshy-Syrtqy ister mınıstri Qanat Saýdabaev, Astana ákimi Imanǵalı Tasmaǵambetov, «Qazaqstan temir joly» ulttyq kompanııasynyń basshysy Asqar Mamın jáne taǵy basqa da resmı tulǵalar tamashalaýda.
