Elbasy shahmattan álem chempıonatyn ashady
ASTANA. 26 maýsym. QazAqparat - 1-11 shilde kúnderi elordada jedel shahmat (rapıd) jáne blıtsten álem chempıonaty ótedi.
Júlde qory 400 myń AQSh dollaryn quraıdy. Bul týraly Qazaqstan Respýblıkasynyń shahmat federatsııasy men FIDE halyqaralyq shahmat federatsııasynyń birlesken málimdemesinde aıtylǵan.
Shahmat álemindegi aıtýly sharanyń bas týrnırine dúnıejúziniń tanymal 16 grossmeıstri qatysady. Jarystyń ashylý rásimine Elbasy Nursultan Nazarbaev keledi dep kútilýde.
Jedel shahmat pen blıts shahmat oıyndarynyń ishindegi eń emotsıonaldy jáne asa tartymdy túrine jatady.Astana kúni merekesin aıshyqtaıtyn shahmattyń osy túrleri beker tandalmaǵan. Ári týrnır qatysýshylarynyń qaı-qaısysy da osal emes, jarystyń básekelestik rýhta ótetindigi kútiledi.
Týrnırge Magnýs Karlsen, Sergeı Karıakın, Borıs Gelfand, VeselınTopalov, Vasılıı Ivanchýk,Teımýr Radjabov, Aleksandr Grışýk syndy maıtalman oıynshylar qatysady.
Qazaqstan namysyn rapıd boıynsha Mýrtas Kajgalıev pen Anýar Ismaǵambetov, blıts boıynsha Pavel Kotsýr jáne Rınat Djýmabaev qorǵaıdy.
Qala kúni qarsańynda ótetin shara uıymdastyrýshylary Astana qalasy ákimshiliginiń, QR sport jáne dene mádeneıti agenttigi, mádenıet jáne aqparat mınıstriligiń qoldaýymen Qazaqstan Respýblıkasynyń shahmat federatsııasy jáne FIDE halyqaralyq shahmat federatsııasy.
Chempıonat barysynda álemdik týrnırdiń barlyq jańalyqtarynan tolyq málimet beretin taraýlar men aıdarlardan turatyn www.worldchess.kz , arnaıy saıty jumys isteıtin bolady. Osy saıttan grossmeıstrler, tóreshiler men eki federatsııanyń basshylyǵy týraly aqparattar ala alasyzdar. Sondaı-aq, foto jáne beıne reportajdar júıeli túrde jańartylyp otyratyn bolady. Ár týrnırlik kúnniń sońynda grossmeısterlerdiń ózderi ótken kún týraly esepterin usynady.
