Elbasy serıalǵa túsýge kelisim berdi - respýblıkalyq basylymdarǵa sholý

***

«Úkimetbasy Kárim Másimov keshe óziniń daǵdarystan qandaı sabaq alǵandyǵyn jarııa etti. óz komandasyn sońynan ertken Kárim Qajymqanuly  bul kúni Parlamentke bas suǵyp, Tómengi palatanyń jalpy otyrysyna qatysqan edi. «Sizdiń beıneńiz birqatar depýtattardyń kózin arbaıdy!» dep qalaýly Raýan Shaekın ázildegenindeı, Úkimet basshysynyń ózi kelgenin kórgen Májilis depýtattary «Bıýdjet-2010-2012»-ni - aldaǵy úsh jyldyń basty qarjylyq qujatyn Úkimet múshelerine birde-bir suraq qoımaı-aq, maquldap jiberdi. Osydan keıin Májilis minberine kóterilgen Kárim Másimov qalaýlylarǵa shaǵyn «dáris» oqyp berdi. Ol jahandyq daǵdarystyń arqasynda ekonomıkany basqarýǵa Úkimettiń basqasha kózqaraspen qaraı bastaǵandyǵyn ashyq moıyndady», dep jazady «Aıqyn» gazeti.  Úkimettiń daǵdarysqa basqasha kózqarasy qandaı ekendigin bilgińiz kelse osy basylymnyń  búgingi sanynda jaryq kórgen «Másimov daǵdarystan qandaı sabaq aldy?» atty maqalany oqyńyz.

 «El ekonomıkasynyń «toǵyz aılyq tolǵaǵy». Osy taqyryppen «Aıqyn» basylymnyń beısenbilik nómirinde jaryq kórgen maqalada apta basynda elimiz úshin de, álem úshin de asa qıynǵa túsken toǵyz aıdyń ekonomıkalyq-áleýmettik qorytyndylary shyǵarylǵany baıandalǵan. Gazettiń jazýynsha, K.Másimov Úkimetiniń masattanýyna negiz bolyp otyrǵan taǵy bir jaıt - jyldar boıy boı bermeı kelgen ınflıatsııanyń quryqtalyp, «dáliz» sheginen shyqpaı júrýi eken. Jarııalanymda   «Inflıatsııalyq protsesterdi retteý boıynsha qabyldanǵan sharalar - tutyný naryǵynda baǵanyń ósýin tejeýge áser etti. Aǵymdaǵy jyldyń toǵyz aıynda ortasha jyldyq ınflıatsııa 7,8 paıyzdy qurady. Ol 2008 jylǵy osyndaı kezeńmen salystyrǵanda 11,4 paıyzdyq tarmaqqa tómen», degen Ekonomıka jáne bıýdjettik josparlaý mınıstri B.Sultanovtyń sózi keltirilgen.

Osy basylymda «Eurasia Film Produstion» kınostýdııasynyń bas dırektory, «Astana - meniń mahabbatym», «Mońǵol», «Tıýlpan», «Bazar» kórkem fılmderiniń prodıýseri Gúlnar Sársenovamen aradaǵy suhbat «Elbasy serıalǵa túsýge kelisim berdi» degen taqyryppen jaryq kórdi. Basylymnyń fılmde Qazaqstan Prezıdentiniń rólin Nursultan Nazarbaevtyń ózi oınaı ma degen saýalyna G.Sársenova «Mindetti túrde Nursultan Ábishulynyń ózi oınaıdy, kelisimin berip otyr.  Qazir Elbasyna arnap stsenarıı jazýdy oılastyryp jatyrmyz. 12-shi bólimde túrik qyzyna suhbat bergen sátti kórsetýimiz kerek qoı», depti. Atalǵan jaıttardyń egjeı-tegjeıin, qandaı fılm ekendigin basylymnyń búgingi sanynan  oqı alasyzdar.

***

«Astana aqshamy» gazetiniń beısenbilik sanynda qazannyń 20-synda ashylǵan «Qazaq eli» kesheni jaıynda tolyq maǵlumat berilgen. Sonymen qatar osy gazet betterinen eskertkishtiń ashylý saltanatyna qatysqan elorda ákimi I.Tasmaǵambetovtiń, Senat tóraǵasy Qasym-Jomart Toqaevtyń, senator Ábish Kekilbaevtyń, Májilis depýtaty Bekbolat Tileýhannyń, Qazaqstannyń eńbek eri Gennadıı Zenchenkonyń, halyq jazýshysy Sherhan Murtazanyń, «Habar» telearnasynyń jýrnalısi ıÝlııa Kýshnarevanyń sóılegen sózderiniń tolyq mátinimen tanysa alasyzdar. Sondaı-aq, Memlekettik tarıh ınstıtýtynyń bólim meńgerýshisi, tarıh ǵylymynyń kandıdaty Jamalıdın Ibragımovtyń «Ulttyq muratymyzdyń ustyny» atty kólemdi maqalasy basylǵan.

Osy basylymnyń «Áleýmet saýaly - ákim jaýaby» atty turaqty aıdarynda qala ákimi I.Tasmaǵambetov elorda turǵyndaryn tolǵandyryp júrgen saýaldaryna tushymdy jaýap bergen.

Astanada Qazaqstan memlekettiliginiń belgisi retinde ashylǵan  «Qazaq eli» keshenine baılanysty materıal «Ekonomıka» basylymynda da «Erenǵaıyp munara» degen taqyryppen jaryq kórgen. Onda keshen jaıly jan-jaqty maǵlumat berilip, ashylý saltanatynda sóz sóılegen elorda ákimi I.Tasmaǵambetovtiń, Senat tóraǵasy Qasym-Jomart Toqaevtyń sózderi keltirilgen.

Sondaı-aq osy qazaq eli úshin aıtýly oqıǵaǵa baılanysty materıaldar «Nur Astana» basylymynyń búgingi sanynda da jarııalanǵan.

 «Álıhan Bókeıhanov - XX ǵasyr basynda patshalyq otarlyqtyń buǵaýynda tunshyǵyp, yza men kektiń otyna órtengen qaımana qazaqtyń arasynan shyqqan,  ult teńdigi úshin kúresken úlken tarıhı tulǵa. Bálkim, táýelsiz ómirge talpynyp, azattyq úshin alysý talaı uly tulǵalardyń mańdaıyna jazǵan taǵdyrdyń isi shyǵar...», dep jazady «Astana aqshamy» gazeti. Qoǵam jáne memleket qaıratkeri, ult-azattyq jáne Alash qozǵalysynyń jetekshisi, Alashorda avtonomııaly úkimetiniń tóraǵasy, pýblıtsıst, ǵalym, aýdarmashy jaıyndaǵy tyń derektermen tanysqyńyz kelse, basylymda jaryq kórgen «Ámbebap Álıhan» atty maqalany oqyńyz.

***

«Stýdenttik nesıe sátsizdikke ushyrady». Osy taqyryppen «Nur Astana» gazetinde jarııalanǵan maqalada «Nur Otan» HDP-nyń Parlament májilisindegi fraktsııasynyń keńeıtilgen jınalysynda daǵdarysqa qarsy baǵdarlama men «Jol kartasynyń» oryndalýy týraly Úkimet esebi jaıynda jazylǵan. Maqala barysynda Úkimet basshysy Kárim Másimovtiń, Ulttyq bank tóraǵasy Grıgorıı Marchenkonyń, «Samuryq-Qazyna» Ulttyq ál-aýqat qory basqarmasynyń tóraǵasy Qaırat Kelimbetovtiń, «Nur Otan» HDP Tóraǵasynyń birinshi orynbasary Darhan Káletaevtyń sózderi keltirilip, Májilis tóraǵasy Oral Muhamedjanovtyń «Daǵdarysty eńserýde, daǵdarystan keıingi  damýdy qamtamasyz etýde «Nur Otan» men Úkimettiń arasynda antagonıstik pikir joq», degen sózimen túıindelgen.

Qazannyń 20-ynda Aqordada QR Memlekettik hatshysy - Syrtqy ister mınıstri Qanat Saýdabaevtyń tóraǵalyǵymen ortalyq jáne jergilikti atqarýshy organdar basshylary men Qazaqstan halqy Assambleıasynyń ókilderi qatysqan keńes ótken bolatyn. «Nur Astana» basylymynyń beısenbilik nómirinde osy alqaly jıynǵa oraı «Qazaqstanda memlekettik til bireý, ol qazaq tili» degen maqala jaryq kórdi. Onda «Asyra aıtqandyq emes, dál osy ultaralyq jáne konfessııaaralyq kelisimdi nyǵaıtý tájirıbesi bizdiń  elimizdiń kelesi jyly Eýropadaǵy qaýipsizdik jáne yntymaqtastyq uıymynyń tóraǵalyǵyn saılaýyna yqpal etken túıindi faktorlardyń biri boldy. Bul - maqtanýǵa turarlyq, elimizdiń múddesi úshin paıdaly asa mańyzdy geosaıası jeńisimiz», degen Q.Saýdabaevtyń sózi keltirilgen. 

***

«Shyǵys Qazaqstan jáne Pavlodar oblystaryna ortaq bolyp, budan birneshe jyl buryn qurylǵan «Ertis» áleýmettik-kásipkerlik korporatsııasy nátıjeli isterin endi tanyta bastady. Jyl basynda qabyldanǵan «Jaılaý» baǵdarlamasy negizinde korporatsııa oblystyń aýyl sharýashylyǵy salasyn damytýdy qolǵa alyp, sharýalarǵa nesıege qoı úlestire bastady. Taıaýda alǵashqy bir myń qoıdy Ekibastuz qalasynyń sharýalary aldy. Buryn-sońdy bolyp kórmegen qoı túrindegi nesıeler oblystyń bes aýdanyna beriledi dep josparlanǵan», dep jazady «Ekonomıka» basylymy. Mal sharýashylyǵyn órkendetýge jolashar jańa nesıe jaıy qyzyqtyrsa, basylymnyń búgingi sanynda jaryq kórgen «Mal ósirseń, qoı ósir.... Pavlodar oblysynda nesıege qoılar berilýde» maqalamen tanysyńyz.

«Endigi jyly memlekettik qazynaǵa quıylatyn kiris 3 trln. 189,6 mlrd. teńgeni quraıdy. Aǵymdaǵy jylǵy baǵamen salystyrǵanda ósim 16,2 paıyz. Al 2011 jáne 2012 jyldary kiristi sáıkesinshe   334,4 mlrd. jáne 141,5 mlrd. teńgege ulǵaıtý josparlanýda», dep jazady «Kazahstanskaıa pravda» gazeti.

Mundaı málimetter spıker Oral Muhamedjanovtyń tóraǵalyǵymen jáne Premer-Mınıstr Kárim Másimovtiń qatysýymen ótken Májilistiń plenarlyq otyrysynda aıtylǵan. Osy taqyrypqa qatysty maqalalarmen «Ekspress-K», «Lıter» gazetterinen de oqýǵa bolady.

«Ekspress-K» gazetiniń Atyraý oblystyq prokýratýrasy baspasóz qyzmetiniń basshysy Svetlana Jumashevanyń sózine silteme jasap habarlaýynsha, qyrkúıektiń 11-inde salynyp jatqan kópirdiń qulaýynan 7 adamnyń mert bolýyna jol bergen atyraýlyq  «Transqurylyskópir» AQ-da jergilikti atqarýshy organdardyń kópir qurylysyna jer telimin bólý týraly sheshimi bolmaǵan.

Sonymen qatar basylymnyń keltirgen derekterine qaraǵanda, tipti aktsıonerlik qoǵamnyń Oral ózeni arqyly salynatyn kópirdiń qurylysy boıynsha jobalyq-smetalyq qujattaryna memlekettik saraptamanyń oń qorytyndysy da bolmaǵan.

 Osy jaıtqa oraı  jazylǵan maqalalar «Ekspress-K», «Komsomolskaıa pravda» basylymdarynda da jaryq kórgen.

 «Komsomolskaıa pravda Kazahstan» gazetiniń jazýynsha, bizdiń «Astana» velokomandamyz Halyqaralyq veloshabandozdar odaǵynyń (UCI) boljamy boıynsha ótken maýsymnyń qorytyndysynda óte kúshti dep tanylǵan. Basylymnyń naqtylaýynsha, maýsym boıy «Astana» komandasy  jalpy 1100 upaı jınap, basty qarsylastarynyń biri ıspandyq   «Caisse d'Epargne» komandasynan 52 upaıǵa ozyp ketken. Jyldyń úzdik veloshabandozy bolyp «Týr de Frans-2009» jeńimpazy Alberto Kontador (527 upaı) esimi atalady.