Elbasy Serbııa Prezıdentimen ýaǵdalastyqtardyń iske asyrylýy barysyn talqylady
ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Serbııa Respýblıkasynyń Prezıdenti Tomıslav Nıkolıchpen telefon arqyly sóılesti, dep habarlaıdy Aqordanyń baspasóz qyzmeti.
Áńgime barysynda taraptar ózara is-qımyldyń ózekti máselelerin, sonyń ishinde Nursultan Nazarbaevtyń Belgradqa 2016 jylǵy 23-25 tamyzdaǵy resmı saparynyń qorytyndysy boıynsha qol jetkizilgen ýaǵdalastyqtardyń iske asyrylýy barysyn talqylady.
Eki eldiń kóshbasshylary Qazaqstan men Serbııanyń dostyq qarym-qatynasyn odan ári nyǵaıtý baǵytynda birlesip, belsene jumys júrgizýge ázir ekendigin aıtty.
Memleket basshysy yntymaqtastyqty jan-jaqty nyǵaıtý úshin Serbııa Premer-mınıstri A.Výchıchtiń Qazaqstanǵa bıylǵy qarasha aıyndaǵy saparynyń mańyzdylyǵyn atap ótti.
Telefon arqyly sóılesýge Serbııa tarapy bastamashy boldy.
