Elbasy saparynda qol jetkizilgen kelisimder qaǵaz júzinde qalmaýy tıis - Premer-Mınıstr
ASTANA. QazAqparat - Elbasy saparynda qol jetkizilgen kelisimder qaǵaz júzinde qalmaýy tıis. Bul týraly búgin Úkimettiń selektorlyq rejımdegi otyrysynda elimizdiń Premer-Mınıstri Baqytjan Saǵyntaev aıtty, dep habarlaıdy QazAqparat.
«Memleket basshysynyń sheteldik saparlary barysynda bıznes-forýmdar, ótip, kóptegen kelisimder, memorandýmdarǵa qol qoıamyz. Al odan keıin monıtorıngtiń qalaı júrgiziletindigin de bilmeımin. ıAǵnı, olar qaǵaz kúıinde qalyp qoımaı, sońyna deıin jetkizýimiz kerek qoı. Sondyqtan bul jumystarǵa eki mınıstrlik tarapynan tekserý júrgizilý qajet. Olar: Investıtsııalar jáne damý mınıstrligi men Syrtqy ister mınıstrligi. Jyl sońyna deıin bul jumystardy aıaqtaý qajet», - dedi Saǵyntaev.
Osy rette Úkimet basshysy jyl sońynda jeke jıyn ótkizip, bıznes-forýmdar barysynda rásimdeletin kelisimderdiń qanshalyqty tıimdi ekendigi saralanatyndyǵyn basa aıtty.
Óz kezeginde Syrtqy ister mınıstrligi Erlan Ydyrysov úkimetaralyq komıssııalar men iskerlik keńesterine qatysty másele kóterdi.
«Bizde 115 úkimetaralyq komıssııa men 24 iskerlik keńes bar. Árıne, barlyǵy da jumys istep jatyr. Biraq, ókinishke oraı jumys kezdesýden kezdesýge deıin ǵana júrgizilýde. Biz sizge hat jazdyq. Siz arnaıy tapsyrma berdińiz. Qazirgi ýaqytta biz úkimetaralyq komıssııa jumysyn baǵalaý krıterııleri boıynsha usynys engizdik», - dedi mınıstr.
«Sizben tolyqtaı kelisemin. Keı jaǵdaıda bizdiń úkimetaralyq komıssııany qurmetti mınıstrler basqarady. Úkimetaralyq komıssııa basshysynyń ózi jumystyń mánin bile bermeıdi. Óıtkeni, oǵan jaýap beretin jumys organy jáne basqa da organdar bar. Meniki jalpy úılestirý, Ekonomıka mınıstrligi mynaǵan, Investıtsııalar jáne damý mınıstrligi anaǵan jaýap beredi, deıdi. ıAǵnı, mundaı bolmaýy tıis. Osy elge, osy úkimetaralyq komıssııaǵa jaýap beretin bolsa, onda barlyq baǵyttarda suraý atalǵan komıssııaǵa jaýapty mınıstrden bolýy qajet», - dedi Saǵyntaev.
