Elbasy sapary: Qytaılyq kompanııa Masal ken ornynda jańa kombınat salady

BEIJІŃ. QazAqparat - Búgin Beıjińde «Masal taý-ken baıytý kombınaty» JShS qytaılyq China National Technical Import and Export Corporation (CNTIC) korporatsııasymen jáne qytaılyq EKSIM-bankpen kelisimshartqa qol qoıdy, dep habarlaıdy «QazAqparat» HAA-nyń Qytaıdaǵy menshikti tilshisi.

CNTIC korporatsııasymen jasalǵan kelisim Aqmola oblysyndaǵy Masal temir ken orny bazasynda taý-ken-metallýrgııalyq keshenin salýǵa merdigerlik kelisimshart jasasýǵa taraptardyń nıetin qarastyrady. Al EKSIM-bankpen aradaǵy kelisim jobany qarjylandyrý máselesin sheshýdi kózdeıdi.

Eske salaıyq, Masal ken ornynda taý-ken-metallýrgııalyq keshenin salý jobasy QR Úkimetiniń qaýlysymen  strategııalyq jobalar tizilimine engizildi. Jospar boıynsha, keshende ken óndirýden bastap joǵary sapaly bolattyń alýan túrin óndirýge deıingi óndiristiń barlyq tizbegi qamtylady. Qýaty - jylyna 1 mln tonna ónim.

Masal ken ornyndaǵy S1 jáne S2 sanattary boıynsha kenniń eksplýatatsııalyq jıyntyq qory 729 mln tonnany quraıdy.

«Masal taý-ken baıytý kombınaty» JShS «Samuryq-Qazyna» AQ-nyń quramyna enetin «Taý-Ken Samuryq» AQ-nyń enshiles kompanııasy.

Kelisim Qazaqstan Prezıdenti Nursultan Nazarbaevtyń Qytaı Halyq Respýblıkasyna sapary barysynda jasaldy.

Búgin Beıjińde «Bir beldeý, bir jol» strategııasy sheńberinde halyqaralyq yntymaqtastyq boıynsha joǵary deńgeıdegi ekikúndik Forým óz jumysyn bastady. Oǵan 29 memlekettiń jáne 3 iri halyqaralyq uıymnyń (BUU, Dúnıejúzilik bank, Halyqaralyq valıýta qory) basshylary qatysýda.