Elbasy «Samuryq-Qazyna» menedjerleriniń biliksizdigin synǵa aldy

ASTANA. QazAqparat - Búgin Aqordada ótken Úkimettiń keńeıtilgen otyrysynda Elbasy Nursultan Nazarbaev «Samuryq-Qazyna» UÁQ» AQ-ynda bas menedjerler bolyp tájirıbesiz mamandar taǵaıyndalatynyn synady.

«Samuryqqa kim bolsa, sony qabyldaıdy. Tipti mektepti qazir ǵana bitirgen qyzdardy bas menedjer dep ataıdy. Sizderdiń árqaısylaryńyz memlekettik adamsyzdar ǵoı, nege óz mınıstrlikterińizdi, vedomstvolaryńyzdy qarap, tártip ornatpaısyzdar», - dedi N.Nazarbaev.

Sonymen qatar Elbasy memlekettik vedomstvo basshylaryna jumysqa kásibı mamandar qabyldaý qajettigin basa aıtty.

«Qysqartyńyzdar da, 10 adamnyń ornyna jumys isteıtin kásibı mamanǵa aqsha tóleńizder. Men basshylyqtyń eń tómeninen bastap barlyq jolynan óttim jáne bárin de bilemin. Eger bólimde 10 adam jumys isteıtin bolsa, onda osy 10-nyń tek ekeýi ǵana tynbaı eńbektenedi, álde bul ótirik pe? Kim jumys isteıdi, sonyń moınyna minip alady»,- dedi Memleket basshysy.