Elbasy «Samuryq-Qazyna» Qorynyń transformatsııa baǵdarlamasynyń tusaýkeserine qatysady

ASTANA. QazAqparat - «Samuryq-Qazyna» Qory kompanııalar tobynyń transformatsııa baǵdarlamasynyń tanystyrylymy 6 qazanǵa josparlanyp otyr. Bul týraly «Samuryq-Qazyna» Ulttyq Ál-aýqat Qory» AQ basqarma tóraǵasy Ómirzaq Shókeev «Qazposhta» AQ dırektorlar keńesi jáne qyzmetkerlerimen ótken keńeste málim etti.

«Búgin Úkimet otyrysynda bizdiń transformatsııa týraly baǵdarlamamyz bekitildi. Endigi kelesi qadam - bizdiń sheteldik áriptesterimizben birlese otyryp, baǵdarlamanyń tusaýkeserin ótkizý. Tusaýkeser Memleket basshysynyń qatysýymen 6 qazanda ótkizilmek, qazir oǵan daıyndyq jumystary júrgizilýde», - dedi Ó. Shókeev.

Onyń aıtýynsha, qordyń transformatsııasy týraly baǵdarlama belsendi ınvestor modeline basa nazar aýdaratyn bolady.