Elbasy rejısser Aqan Sataevpen kezdesti

ASTANA. QazAqparat - Elbasy rejısser Aqan Sataevpen kezdesti, dep habarlaıdy Aqordanyń baspasóz qyzmeti.

Nursultan Nazarbaev belgili rejıssermen otandyq kınonyń qazirgi ahýaly týraly áńgimelesti.

Qazaqstan Prezıdenti qazaq ultynyń qalyptasýy, táýelsiz respýblıkamyzdyń jańa elordasynyń salynýy týraly taqyryptar jańa kınotýyndylar túsirý úshin mańyzdy ekenin atap ótti.

Elbasy tarıhı sátterdi túsirýge qatysty kózqarasyn bildirip, otandyq kınematografııanyń keleshektegi damýy týraly oılaryn ortaǵa saldy.

A.Sataev Memleket basshysyna óziniń kıno salasyndaǵy jumys josparlary jóninde aıtty.

Elbasy kezdesý sońynda rejısserge shyǵarmashylyq jetistik pen tabys tiledi.