Elbasy resmı túrde paıdalanýǵa berilgenimen, birden iske qosylmaıtyn nysandardy endigári ashpaıtynyn aıtty
dep habarlaıdy qazAqparat.
«Paıdalanýǵa berilgen nysandardyń jobalyq qýattylyqqa shyǵýyn eshkim qadaǵalap jatqan joq. Meniń qatysýymmen ishinara lentalardy qıamyz, al sodan keıin baryp sol nysannyń bir jyldan keıin iske qosylǵanyn bilemin. Kárim Qajymqanuly, Siz meni byltyr Astanadaǵy teplovoz zaýytynyń ashylaýyna alyp bardyńyz. Ol jaqynda ǵana iske qosyldy. Kózboıaýshylyq pen provakatsııa, bul kimge qajet? Men mundaı nysandardy endágiri ashpaıtyn bolamyn», dedi Elbasy búgin Aqordada Úkimet músheleriniń jáne ákimderdiń qatysýymen ótken ındýstrııalyq damýǵa qatysty keńeste.
Elbasynyń aıtýynsha, aǵymdaǵy jyldyń birinshi jarty jyldyǵynda 144 ındýstrııalyq-ınfraqurylymdyq nysan iske qosylatyn bolady. Olar ónimder shyǵaryp, ekinshi jarty jyldyqta el ekonomıkasynyń kólemin kóterýi tıis. «Eger Sizder nysandar iske qosyldy dep baıandaıtyn bolsańyzdar, onda olardyń shilde aıynan bastap ónim bere bastaýyn baqylaý qajet», dedi N. Nazarbaev.
