Elbasy: Prezıdentimiz Qasym-Jomart Toqaevtyń shuǵyl sheshimderiniń arqasynda el irgesi sógilgen joq

NUR-SULTAN. QazAqparat - Prezıdentimiz Qasym-Jomart Kemeluly Toqaevtyń shuǵyl sheshimderiniń arqasynda el irgesi sógilgen joq. Bul týraly Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Qazaqstan halqyna úndeýinde aıtty, dep habarlaıdy QazAqparat.

«Prezıdentimiz Qasym-Jomart Kemeluly Toqaevtyń shuǵyl sheshimderiniń arqasynda el irgesi sógilgen joq. Memleket basshysyn qoldaý – barshamyzdyń azamattyq boryshymyz.

Endigi kezekte osy oqıǵadan sabaq alyp, mundaı bassyzdyqqa jol bermeýge tıispiz.

Babalarymyz ǵasyrlar boıy ańsaǵan táýelsizdiktiń otyz jyly ishinde atqarǵan isterimiz az emes», delingen úndeý mátininde.