Elbasy Pavlodardaǵy iri ónerkásip kásiporyndarynyń jumysymen tanysady
«Giessenhaus» JShS-te Elbasyna «Alıýmınıı klasteriniń ónimi» kórmesi usynyldy. Onda Pavlodar oblysynyń kásiporyndary - «Qazaqstan alıýmınııi» AQ, «Qazaqstan elektrolız zaýyty» AQ, «Prommashkomplekt» JShS, «Qazaqstan ıpoteka kompanııasy» AQ jáne «CNN» kompanııasy óz ónimderin kórsetedi.
«Giessenhaus» JShS qyzmetimen tanysqannan keıin Memleket basshysy «Qazenerogokabel» AQ-qa baryp, onda shyǵarylatyn elektr symdary jáne kabel túrlerimen tanysady.
Elbasy S. Toraıǵyrov atyndaǵy oblystyq birikken ǵylymı kitaphanada ornalasqan «Rýhanı jańǵyrý» óńirlik jobalyq keńsesine barady.
Sapar aıasynda kitaphanada Memleket basshysynyń «Rýhanı jańǵyrý» baǵdarlamasy aıasynda Pavlodar oblysynda júzege asyrylǵan: «Jahandyq álemdegi qazaqstandyq mádenıet», «Qazaqstannyń kıeli oryndarynyń geografııasy», «Jańa gýmanıtarlyq bilim. Qazaq tilindegi 100 jańa oqýlyq», «Qazaqstannyń 100 jańa esimi», «Týǵan jer», «Latyn grafıkasyna kóshý» atty alty arnaıy jobasynyń qorytyndylaryna arnalǵan kórme uıymdastyrylady.
Kórmege «Qazaqstannyń 100 jańa esimi» respýblıkalyq jobasynyń jeńimpazdary, óńirlik jobalyq keńse jáne jurtshylyq ókilderi qatysady.
Foto Pavlodar oblysynyń resmı saıtynan alyndy. Avtory - Býgaev Vladımır
