Elbasy Parlamenttiń zań shyǵarý jumysynyń sapasyn odan ári artyrý jóninde tilektestigin bildirdi - O. Muhamedjanov
qpannyń 24-i. QazAqparat /Qanat Mámetqazyuly/ - Elbasy Parlamenttiń zań shyǵarý jumysynyń sapasyn odan ári artyrý jóninde tilektestigin bildirdi.
Búgin QR Parlamenti Májilisiniń jalpy otyrysyn ashý barysynda Palata Tóraǵasy Oral Muhamedjanov osylaı málim etti, dep habarlaıdy QazAqparat.
O. Muhamedjanovtyń aıtýynsha, keshe Memleket basshysy Parlament depýtattarynyń, «Nur Otan» HDP fraktsııasynyń bir top múshelerimen kezdesip, onda depýtattar elimizdiń barlyq aımaqtarynda ótken kezdesýlerinen alǵan áserleri jóninde jan-jaqty baıandaǵan.
«Jalpy osy is-sapar barysynda halyq qalaýlylary respýblıkamyzdyń 350 eldi mekeninde bolyp, 800-ge tarta kezdesýler ótkizdi. Partııanyń fılıaldarynda myńnan astam azamattardy qabyldap, olardyń talap-tilekterin tyńdady. Kezdesý barysynda halqymyzdyń basym kópshiligi Prezıdenttiń kezekti Joldaýynda kóterilgen kúrdeli máselelerdi tolyǵymen qoldaıtyndyqtaryn aıtyp, aldaǵy jyldarǵa belgilengen ekonomıkalyq-áleýmettik, saıası salalardy damytýdy kózdeıtin bıik mejelerge jetetinimizge kámil senetindigi týraly sóz etken. Sonymen birge, saparlar barysynda qoǵamda sheshimin tappaı kele jatqan birqatar ózekti máseleler tóńireginde de baıypty áńgime boldy. Osyǵan oraı, Elbasy barlyq depýtattarǵa aımaqtarǵa shyǵyp, el arasynda Joldaý baptaryn nasıhattap qana qoımaı, ony oryndaý joldaryn da atap kórsetkeni úshin óz alǵysyn aıtty. Sondaı-aq Prezıdent zań shyǵarý jumysynyń sapasyn odan ári arttyrý jóninde óziniń tilektestigin bildirdi», dedi Palata Tóraǵasy Oral Muhamedjanov.
