Elbasy óziniń isimen, ıdeıalarymen, naqty nátıjelerimen Qazaqstannyń Ult Kósemi boldy - H. Ábjanov
ASTANA. 18 qańtar. QazAqparat /Jasulan Amanbaıuly/ - Astanada S.Seıfýllın atyndaǵy murajaıda elordanyń zııaly qaýym ókilderi Qazaqstan Prezıdentiniń ókilettigin uzartý jónindegi referendýmdy ótkizý ıdeıasyn qoldaýǵa arnalǵan basqosý ótkizdi.
«Elbasynyń ókilettigi 2020 jylǵa deıin uzartylatynyna eshkimniń kúmáni joq. Óıtkeni elimizde Nursultan Ábishuly Nazarbaevpen ıyq teńestiretin, osyndaı bıik laýazymǵa laıyqty basqa úmitkerdi kórip turǵan joqpyz»,-deıdi QR Bilim jáne ǵylym mınıstrligine qarasty Memlekettik tarıh ınstıtýty basshysynyń orynbasary, professor Hangeldi Ábjanov.
«Elbasy óziniń isimen, ıdeıalarymen, naqty nátıjelerimen Qazaqstannyń Ult Kósemi boldy. Alda da bastaǵan sharýalaryn nátıjeli túrde aıaǵyna deıin jetkize alatynyna bizde kúmán joq»,-dep atap kórsetti ol.
Zııalylardyń aıtýynsha, osy oıdy barsha qazaqstandyqtar qoldap otyr. «Eger halyqtyń óz qalaýy, ynta-jigeri bolmasa, az ýaqyt ishinde 5 mln. astam qol jınaý múmkin emes sharýa»,-deıdi olar.
«Halyq qalasa, han túıesin soıady» degen sóz bar. Men qazir bılik qurylymdarynyń, halyq nıetiniń, zııaly qaýymnyń birligin kórip otyrmyn. Osy kúshter yqpaldasyp, ekpindi blok qurdy. Olar Konstıtýtsııaǵa súıene otyryp, referendýmnyń ótýine, Prezıdenttiń ókilettigin 2020 jylǵa deıin uzartýǵa qol jetkizedi dep esepteımin»,-dep túıindedi sózin H.Ábjanov.
