Elbasy ózinen halyq múddesi men Konstıtýtsııaǵa adaldyq joǵary ekenin taǵy bir márte dáleldedi

Bul pikirdi búgin QR Prezıdentiniń aǵymdaǵy jylǵy «Bolashaqtyń irgesin birge qalaımyz!» atty Qazaqstan halqyna Joldaýyndaǵy mindetterdi talqylaýǵa arnalǵan jıynda QR Kólik jáne kommýnıkatsııa mınıstri Ábilǵazy Qusaıynov bildirdi.

Onyń atap ótýinshe, el azamattarynyń basym bóligi QR Prezıdentiniń ókilettigin uzartý boıynsha referendým ótkizýdy qoldady. Degenmen Prezıdenttik ókilettiginiń 2 jylǵa qysqaratynyna qaramastan N.Nazarbaev kezekten tys saılaý ótkizý týraly usynys engizdi.

«Bundaı jaǵdaı álemdik tájirıbede bolǵan emes. Bul - batyl, ádil jáne demokratııalyq sheshim. Memleket basshysy ózinen halyq múddesi men Konstıtýtsııaǵa adaldyq joǵary ekenin taǵy bir márte dáleldedi», - dedi mınıstr.

Sonymen qatar ol QR Prezıdentiniń kezekti Joldaýynda memlekettik saıasattaǵy mańyzdy másele halyqtyń ál-aýqaty ekendigi aıqyn kórinis tapqan.