Elbasy Ózbekstan prezıdentimen telefon arqyly sóılesti

ASTANA. QazAqparat - Nursultan Nazarbaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti, dep habarlaıdy Aqordanyń baspasóz qyzmeti.

Shavkat Mırzıeev Qazaqstan Prezıdentin taǵy da týǵan kúnimen quttyqtap, oǵan zor densaýlyq pen baq-bereke tilep, joǵary memlekettik qyzmette tabystarǵa jetýge nıettestik bildirdi.

Áńgime barysynda memleketter basshylary ekijaqty yntymaqtastyqtyń qazirgi jaǵdaıy men perspektıvasyn talqylap, óńirlik jáne halyqaralyq kún tártibiniń ózekti máseleleri jóninde pikir almasty.

Sonymen qatar, aldaǵy kezdesýlerdiń kestesi qaraldy.