Elbasy Ózbekstan Prezıdenti Shavkat Mırzıeevpen kezdesti

NUR-SULTAN. QazAqparat - Kezdesý barysynda Nursultan Nazarbaev Shavkat Mırzıeevtiń basshylyǵymen qol jetkizilgen Ózbekstannyń áleýmettik-ekonomıkalyq damýynyń nátıjelerine toqtaldy, dep habarlaıdy Elbasynyń resmı saıty.

– Qazaqstan men Ózbekstan óte jaqyn jáne mańyzdy seriktes. Ózara taýar aınalymy 2,5 mıllıard dollarǵa jetti. Buǵan deıin mundaı kórsetkishter bolǵan emes. Bul jaqsy perspektıvalarǵa jol ashyp otyr, – dedi Qazaqstannyń Tuńǵysh Prezıdenti.

Óz kezeginde Shavkat Mırzıeev eki eldiń tabysty yntymaqtastyǵyna kóbine Qazaqstannyń Tuńǵysh Prezıdentiniń salıqaly saıasatynyń arqasynda qol jetkizilgenin aıtty.

Sondaı-aq, Sh.Mırzıeev Ózbekstandaǵy Qazaqstan jyly aıasynda ótip jatqan is-sharalardyń oryndalý barysyna toqtaldy.