Elbasy Ózbekstan men Túrikmenstanǵa saparynda qandaı máseleler kóteriletindigin aıtty
«Kórshilermen ár ýaqytta da máseleler týyndap otyrady. Óıtkeni, olar kórshiler. Men Ózbekstanǵa baramyn, qazanda Reseıge saparlaımyn. Demek, máseleler ár ýaqyta da bar. Qazir bizdiń kórshilerimizben, ásirese, Ózbekstanmen jaǵdaı óte jaqsy qalyptasýda. Máselen, barlyq ótkizý pýnktteri ashyq, olar bizdiń astyqqa aktsızdy joıdy desek te bolady. Olarǵa Qazaqstan arqyly Tashkentten basqa oblysqa barýlaryna nemese biz Maqtaaraldan Ózbekstan arqyly júrýimizge týra kelgen qarama-qaıshy jaǵdaı boldy. Atalǵan eki pýnkt te jabyq edi. Jol jaman, aınalma jolmen 50-diń ornyna 150 shaqyrym júrip júrdik. Qazirgi ýaqytta bul durystaldy jáne bári de jaqsy bolady», - dedi Elbasy.
Memleket basshysynyń dereginshe, aǵymdaǵy jyly Ózbekstan men Qazaqstannyń taýar aınalymy 25 paıyzǵa artqan.
«Óte jaqsy kórsetkish, taýar alys-berisi bar. Sondyqtan memleketaralyq qarym-qatynas pen óńirlik máselelerdi talqylaıtyn bolamyz. Úsh memleket Ózbekstan, Tájikstan jáne Qazaqstan shekarada «túıisý núktesine» qol qoıýy tıis. Problema joq. Biraq, sheshim úshin oǵan qol qoıý qajet», - dep atap ótti QR Prezıdenti.
Nursultan Nazarbaev Túrikmenstanǵa saparyna qatysty Ashhabadta jabyq ǵımaratta ótetin jáne jaýyngerlik óner synǵa túsetin V Azııa oıyndarynyń ashylýyna baratyndyǵyn aıtty.
«Prezıdent (Ǵurbanǵuly Berdymuhamedov) oıyndardyń ashylý saltanatyna shaqyrdy. Ol «EKSPO-2017» ashylýyna kelgen bolatyn. Endi men oǵan barýǵa tıispin»,- dedi QR Prezıdenti.