Elbasy: Otan qorǵaýshynyń basty mindeti - týǵan jerdiń tynyshtyǵyn, táýelsizdigimizdi qorǵaý

ASTANA. QazAqparat - Otan qorǵaýshynyń basty mindeti - týǵan jerdiń tynyshtyǵyn, táýelsizdigimizdi qorǵaý. Búgin Astanadaǵy «Qazaq Eli» monýmenti aldyndaǵy alańda Otan qorǵaýshylar kúnine arnalǵan áskerı sherýde QR Prezıdenti - QR Qarýly Kúshteriniń Joǵarǵy Bas qolbasshysy Nursultan Nazarbaev osylaı dedi.

«Otan qorǵaýshylar, ózderińniń qasıetti boryshtaryńyzdy adaldyqpen atqaryńyzdar. Sizderdiń basty mindetterińiz - týǵan jerdiń tynyshtyǵyn qorǵaý, bizdiń táýelsizdigimizdi qorǵaýda myǵym turý», - dedi N.Nazarbaev.

Memleket basshysynyń atap ótýinshe, Qarýly kúshterimiz ár ýaqytta da barlyq qazaqstandyq urpaq úshin ádildiktiń, jaýapkershiliktiń, otanshyldyqtyń úlgisine aınalýy tıis. Al búgingi sherý - Qazaqstan armııasynyń qýatyn, joǵary jaýyngerlik rýhyn pash etýdiń tamasha múmkinshiligi.

«Ofıtserler men sarbazdar, batyr babalarymyzdyń erlik jolyn tek beıbit zamannyń qaharmandary jalǵastyrsyn. Halqymyz birlikte, dańqymyz bıikte bolsyn. Qazaqstan jasasyn!», - dep aıaqtady sózin QR Prezıdenti.