Elbasy Ońtústik óńirde saparda boldy
ASTANA. QazAqparat - Sapar barysynda jurtshylyq ókilderimen kezdesti. Kezdesýde Nursultan Nazarbaev Ońtústik Qazaqstan - qazaqylyqtyń qaımaǵy buzylmaǵan ólke ekenin atap ótti.
«Bul - abyzdar men áýlıelerdiń qasıeti daryǵan, Qoja Ahmet ıAsaýı men ál-Farabıdiń izi qalǵan, kóne mádenı muraǵa baı kıeli jer. Qazir bul óńirde búkil el halqynyń 16%-y turady, - dedi Prezıdent. Sonymen qatar álemge áıgili jádigerlerimizdiń kópshiligi osynda ekenin, Túrkistan, Otyrar, Saıram, Saýran qalalary, Qoja Ahmet ıAsaýı, Arystan bab keseneleri - bizdiń maqtanyshymyz ekenin aıtty.
- Biz osynyń bárin urpaqtyń sanasyna sińirýimiz kerek. Jastardy patrıotızmge, otanshyldyqqa, týǵan jerdi súıýge baýlý qajet, - dedi Memleket basshysy. Nursultan Nazarbaev elde úshtildilikti tolyqqandy engizýdiń ózektiligine taǵy da toqtalyp, álipbıdi aýystyrýǵa qatysty kúmándi seıiltti. Óz sózinde: «Aǵylshyn tilin oqytýdy jandandyrý qajet, ol iskerlik ortanyń barlyq salasynda qoldanylatyn bolady. Bul - zaman talaby, tek bizge baılanysty emes» dedi. Ári qaraı oblystyń damýyndaǵy birqatar máselelerge toqtaldy.
Kezdesý barysynda Qazaqstan Prezıdenti oblystyń damýyndaǵy birqatar problemalyq máselelerge toqtaldy. Investıtsııa tartý baǵytynda júıeli sharalar qabyldaý qajettigin atap ótti. Ońtústik Qazaqstan oblysy qaıtalanbas ári búlinbegen tabıǵı jáne iri mádenı-tarıhı qundylyqtary bar orasan zor týrıstik áleýetke ıe ekenin tilge tıek etip, tıimdiligi joǵary jáne básekege qabiletti týrıstik ınfraqurylym túzý kerektigin tapsyrdy. Halyqty, sonyń ishinde jastardy jumyspen qamtýdy jaqsartý úshin túbegeıli sharalar qabyldaý qajettigin de atap ótti. Budan bólek Elbasy óńirdiń aýyl sharýashylyǵy salasyndaǵy áleýetin iske asyrýdyń mańyzdylyǵyna nazar aýdardy.
Ońtústik Qazaqstan jurtshylyǵy Memleket basshysynyń «Bolashaqqa baǵdar: rýhanı jańǵyrý» atty maqalasyndaǵy oı-pikirlerin tolyq qoldaıtyndyqtaryn aıtyp, Nursultan Nazarbaevqa óńirge degen qamqorlyǵy úshin rızashylyqtaryn bildirdi. Sondaı-aq kezdesý aıasynda Ońtústik Qazaqstan oblysynyń ákimi J.Túımebaev oblystyń áleýmettik-ekonomıkalyq ahýaly jáne ony damytý baǵyttary týraly baıandady.
Kezdesý sońynda Memleket basshysy qatysýshylarǵa zor tabys jáne bereke-birlik tiledi.
Elbasy Nursultan Nazarbaev Qazaqstanǵa jumys saparymen kelgen Ózbekstan Prezıdenti Shavkat Mırzıeevpen kezdesti. Bul eki el basshysynyń osy kóktemdegi ekinshi ret kezdesýi. Sońǵy kezdesý barysynda Ózbekstan Prezıdenti Sh.Mırzıeevtyń bıylǵy naýryz aıyndaǵy jasaǵan memlekettik sapary barysynda qol jetkizilgen qazaq-ózbek ýaǵdalastyqtarynyń júzege asyrylý barysy talqylandy.
N.Nazarbaev ótken kezdesýden beri eki el arasyndaǵy iskerlik belsendilik artqanyn atap ótti: «Bıylǵy birinshi toqsanda ekonomıkanyń túrli salasyndaǵy iskerlik ózara qarym-qatynastyń deńgeıi artty. Osy oraıda, kólik-logıstıka salasyn, avtoónerkásipti, sondaı-aq óńirlik yntymaqtastyqty atap ótýge bolady. 2017 jylǵy alǵashqy úsh aıda taýar aınalymy 37%-ǵa ósti» dedi Qazaqstan Prezıdenti.
Óz kezeginde Sh.Mırzıeev eki jaqty kezdesýler oń nátıjeler bergenin, kórshiles jatqan eki eldiń arasyndaǵy qarym-qatynastar qarqyndy damı bastaǵanyna nazar aýdaryp: «Bıylǵy naýryz aıyndaǵy sapardan soń biz birlesken jumystardyń barlyq baǵyty boıynsha jol kartasyn qabyldadyq. Mınıstrler, óńirler basshylary deńgeıindegi kezdesýler jıiledi» dedi. Budan bólek, Ózbekstan prezıdenti Reseı Federatsııasynan munaı tasymaldaý máselesine baılanysty qoldaý kórsetkeni úshin Qazaqstan Prezıdenti N.Nazarbaevqa alǵys aıtty.
Ekijaqty kezdesý aıasynda Qazaqstan jáne Ózbekstan prezıdentteri «Caspian Food» jaýapkershiligi shekteýli seriktestiginde boldy.
Kezdesý sońynda eki el basshylary Qazaqstan men Ózbekstan arasyndaǵy yntymaqtastyq belsendi júrip, keleshekte de tereńdep, damı beretinine senim bildirdi.
