Elbasy ókilettiligin 2020 jylǵy deıin uzartý jónindegi bastamany elimizdi órkendetip, bizdi baqytty etip otyrǵan táýelsizdigimizdiń tamyry dep bilemin - Májilis depýtaty
ASTANA. 6 jeltoqsan. QazAqparat /Marlan Jıembaı/ - Qazaqstan Respýblıkasynyń Tuńǵysh Prezıdenti Nursultan Nazarbaevtyń ókilettiligin 2020 jylǵa deıin uzartý jónindegi bastamany elimizdi órkendetip, bizdi baqytty etip otyrǵan táýelsizdigimizdiń tamyry dep bilemin.
Bul pikirdi búgin elordadaǵy «Qazaqstan» ortalyq kontsert zalynda 2020 jylǵa deıin QR Prezıdentiniń ókilettiligin uzartý jónindegi referendýmdy ótkizý týraly bastamashyl topty qoldaýǵa oraı uıymdastyrylǵan «Qazaqstan 2020: jańa onjyldyqtaǵy - jańa Qazaqstan» taqyrybyndaǵy konferentsııa barysynda QR Parlamenti Májilisiniń depýtaty Aldan Smaıyl bildirdi.
Halyq qalaýlysy óz sózinde táýelsizdiktiń alǵashqy jyldarynda Elbasy birinshi ekonomıka odan keıin saıasat degen baǵytty ustanǵanyn ári bul ustanym qazirgi ýaqytta óz jemisin berip otyrǵandyǵyn basa aıtty.
«Qazaq halqy Prezıdenttiń ulttyq saıasatynyń arqasynda ózin ózi tanydy. Elbasy memleket qura alatyn, astana sala alatyn, álem elderimen teń dárejede tildese alatyn, álemge óziniń ozyq oıyn jetkize alatyn halyq ekendigimizdi tanytty», - dedi ol.
Sondaı-aq depýtat Memleket basshysynyń úzbeı júrgizip kele jatqan saıasatynyń biri ulttyq qundylyqtarymyzdy qadirleý ekendigin atap ótti.
Onyń aıtýynsha, táýelsizdik alǵannan bergi aralyqta qazaq halqynyń tarıhı tulǵalardyń bárine eskertkishter salynyp, aqyn-jazýshylarymyzdyń shyǵarmalary jaryqqa shyqty. «Mádenı mura» baǵdarlamasy aıasynda tarıhymyz jınastyrylyp, júzdegen tomdyq eńbek bolyp jaryq kórdi.
«Elbasy ózi jasap ketken, jasap jatqan is-sharalaryn jemisti etýi kerek. Biz bir tulǵanyń mańaıyna shoǵyrlaný, sol tulǵany qadirleý arqyly onyń saıasatyn der kezinde júzege asyrýymyz qajet», - dedi A.Smaıyl.
