Elbasy ókilettigin uzartý jónindegi bastamany Aqjaıyq aýdanynyń turǵyndary da qoldaıdy
ORAL. 28 jeltoqsan. QazAqparat /Eljan Eraly/ - Elimizdiń Turǵysh Prezıdenti - Elbasy Nursultan Nazarbaevtyń ókilettigin 2020 jylǵy 6 jeltoqsanǵa deıin uzartý maqsatynda búkilhalyqtyń referendým ótkizý jóninde respýblıkalyq yntaly toptyń Óskemende bolǵan jıyny, osy úlken basqosýdyń qazaqstandyqtarǵa úndeýi búginde BQO-daǵy Aqjaıyq aýdany turǵyndarynyń da basty nazarynda.
«Aldaǵy onjyldyqta da Tuńǵysh Elbasymyz Nursultan Nazarbaevpen birge bolamyz!» - áleýmettiń búgingi nıeti de, tilegi de osy. Osy máselege arnalǵan aýdandyq máslıhat otyrysy ótti.
Osynda jınalǵan depýtattar men úkimettik emes uıymdar ókilderi, jastar jetekshileri aldyndaǵy sózinde máslıhat hatshysy Dáýlet Jaqsybaev bylaı dedi:
-Elimiz táýelsizdiktiń 20 jylyna aıaq basty. Osy jyldar aralyǵynda Elbasynyń basshylyǵymen ǵasyrǵa bergisiz jumystar atqaryldy. Memlekettik shekaramyzdy, rámizderimizdi bekittik. Jańa Astanamyzdy saldyq. Elbasy Semeı atom polıgonyn japty. Bul kóptegen memleketke úlgi bolýda. Memleketimiz basshysynyń bedeliniń arqasynda elimizde álemdik jáne dástúrli dinder kóshbasshylarynyń úsh sezi ótti. Nursultan Ábishuly búkil túrki elderiniń kóshbasshysy deńgeıine kóterildi. Onyń Eýrazııalyq keńistik qurý ıdeıasy júzege asyp keledi. El damýynyń negizgi qujatyna aınalyp otyrǵan «Qazaqstan-2030» damý Strategııasy nátıjeli oryndalýda.
Nursultan Ábishulynyń bedeli arqasynda Elordamyzda Eýropadaǵy qaýipsizdik jáne yntymaqtastyq uıymynyń jetinshi sammıti ótip, Astana Deklaratsııasy qabyldandy. Jetinshi qysqy Azıada oıyndaryna da sanaýly kúnder qaldy. Kelesi jyly Qazaqstan Islam konferentsııasy uıymyn basqaratyn bolady.
Búginde sondaı-aq, mysaly, «Jol kartasy», «Bıznestiń jol kartasy - 2020», «Balapan» baǵdarlamalary júzege asyrylýda. Turǵyndardy taza aýyz sýmen qamtýǵa múmkindik beretin «Aqbulaq» baǵdarlamasy jasaqtalýda.
Elbasynyń bıylǵy tarıhı Joldaýyna oraı elimizde ındýstrııalyq-ınnovatsııalyq órleý dáýiri bastaldy. Búginniń ózinde 152 ındýstrııalyq joba iske qosyldy. Sonyń ishinde BQO-dan 5 joba bar: Chınarev gaz daıyndaý kesheni; polıetılennen jasalǵan qubyrlar shyǵaratyn óndiris orny; gaz aıdaý agregattary óndirisi; metall qurylymdaryn ystyqtaı myryshtaý óndirisi; usaq fraktsııaly dıspersııadan jasalǵan esikter men jıhaz óndirisi.
Eń bir kókeıkesti másele - shaǵyn jáne orta bızneske Aqjaıyq aýdanynda da zor kóńil bólinýde. Bıyl aýdanda 36 adamǵa 37 mln.teńge kóleminde nesıe berildi. 6 asyl tuqymdy mal sharýashylyǵy jumys jasaýda. Taǵy eki sharýashylyq osyndaı mártebe alý baǵytynda jumystanýda.
Táýelsizdik jolyna túsken syn saǵattarda Elbasymyz ózin qajyrly qaıratker, dana saıasatker retinde kórsetip, egemendi Qazaqstan memleketiniń negizin qalady. Halqynyń baǵyna týǵan ol shynaıy Ult Kóshbasshysyna aınalyp otyr.
Jıynda aýdandyq máslıhat depýtaty, jýrnalıst Tiles Jazyqbaı, eńbek ardageri Ǵıbatolla Tilebalıev, aýdandyq máslıhat depýtaty, orta mektep dırektory Bolat Shálenov, oblystyq máslıhattyń depýtaty, №14 kásiptik lıtseı dırektory Baqytjan Qospaev jáne basqalar Elbasy ókilettigin uzartýdy qoldaıtyndyqtaryn bildirdi.
Qazirgi kezde BQO boıynsha yntaly top músheleri búkilhalyqtyq referendým ótkizýdi qoldaǵan turǵyndar qolyn jınaqtaýda.
