Elbasy oblys ákimderiniń jumysy qalaı baǵalanýy kerektigin atap kórsetti

ASTANA. 11 qazan. QazAqparat - Mınıstrlikter ózderiniń jumystarynyń basym bóligin ákimderdiń moınyna júktep qoıǵan. Búgin Aqordada elimizdiń ótken 9 aıynyń damý qorytyndylaryna arnalǵan Úkimettiń keńeıtilgen otyrysynda Memleket basshysy Nursultan Nazarbaev osylaı málim etti.

«Oblys ákimderiniń jumysyn baǵalaý júıesi durys emes. Ákim men oblystyń jumysyn kórsetetin 96 kórsetkishtiń 46-sy qoldanystaǵy statıstıka bolsa, qalǵan 50-i jańadan oılap tabylǵan. Buny kim oılap tapqan? Ákimniń basty mindetteri mynalar bolýy kerek: óńirge ınvestıtsııa tartý, shaǵyn jáne orta bıznesti damytý, sapaly jumys oryndaryn qurý, memlekettik qyzmettiń sapasyn jaqsartý, qoǵamdyq tártip pen qaýipsizdik, turǵyn úı qurylysy máseleleri, jastardy eńbekpen qamtý. Boldy, ákimniń jumys kórsetkishi osymen baǵalanýy shart. Al bizdiń mınıstrlikter ózderiniń jumystaryn ákimniń moınyna júktep qoıǵan. Joǵaryda men ataǵan sharalar oryndalsa, oblystyń jaǵdaıy jaqsy degen sóz», - dedi N. Nazarbaev.

Soǵan oraı, Elbasy arnaıy memlekettik organdarǵa naqty tapsyrmalar júktedi.