Elbasy Nursultan Nazarbaevtyń «Ǵalamdyq qoǵamdastyqty túbegeıli jańartý strategııasy jáne órkenıetter seriktestigi» atty kitaby arab tilinde jaryqqa shyqty
ASTANA. Tamyzdyń 11-i. QazAqparat. Qazaqstan Respýblıkasynyń Saýd Arabııasy Koroldigindegi Elshiligi Prezıdent N.Á.Nazarbaevtyń «Ǵalamdyq qoǵamdastyqty túbegeıli jańartý strategııasy jáne órkenıetter seriktestigi» atty kitabyn arab tiline aýdaryp basyp shyǵardy,
dep habarlaıdy Qazaqstan Respýblıkasynyń Rııad qalasyndaǵy Elshiligi.
Elbasynyń atalmysh kitabynyń tusaýkeseri ústimizdegi jylǵy 30 tamyzda Bahreınde Elshi Qaırat Lama Sharıftiń ulttyq mereke - Konstıtýtsııa kúnine oraı uıymdastyralatyn saltanatty qabyldaýynda ótpek.
Qazaqstan Konstıtýtsııasynyń 15 jyldyq merekesi aıasynda arab áleminiń qoǵam qaıratkerleri, zııaly qaýym, buqaralyq aqparat quraldary, ınvestıtsııalyq kompanııalary, qarjy jáne banktik uıymdary tuńǵysh ret óz ana tilinde Prezıdent N.Á.Nazarbaevtyń jańa álemdik qarjy júıesin qurý týraly ıdeıasymen tanysýǵa múmkindik alady.
Usynylyp otyrǵan kitap - taqyryby, mazmuny jáne jan-jaqty máselelerdi qarastyrýy jaǵynan aýqymdy eńbek. Avtordyń óz anyqtamasynsha, «kitaptyń mindeti - ǵalamdyq árekettesýdi túbegeıli jańartýǵa baǵyttalǵan strategııanyń damýyna múmkindik beretin mejeni anyqtaý». Maqsaty - «2012 jyly Turaqty damý jónindegi Búkilálemdik sammıtte talqylaý úshin ǵalamdyq qoǵamdastyqty túbegeıli jańartýdyń júıeli strategııasyn daıyndaýǵa usynys berý». Osy turǵydan alǵanda arab tilinde basylyp shyqqan Elbasynyń kitaby 2011 jylǵy mamyrda Astanada ótetin VII Halyqaralyq Islamdyq ekonomıkalyq forýmǵa qatysýshylarǵa da taratylady.
