Elbasy Nursultan Nazarbaevtyń eskertkishi eń birinshi Ankarada emes, Astana qalasynda ornatylýy tıis - depýtat T. Syzdyqov
ASTANA. Mamyrdyń 27-si. QazAqparat /Qanat Mámetqazyuly/ - Astanada QR Tuńǵysh Prezıdenti - Elbasy Nursultan Nazarbaevtyń eskertkishi Ankara qalasynan buryn ornatylýy tıis. Búgin QR Parlamenti Májilisiniń jalpy otyrysynda depýtat Tıto Syzdyqov osyndaı bastama kóterip, málimdeme jasady,
dep habarlaıdy QazAqparat.
«Jaqynda Túrkııa Prezıdenti Abdolla Gúldiń Qazaqstanǵa sapary barysynda halyqpen kezdesip, sóılegen sózderinde túrik basshysy Qazaqstan jurtshylyǵyna úlken qurmet kórsetip súıispenshiligin tanytty. Sonymen birge biz keshe Túrkııa Prezıdenti Abdolla Gúldiń túrki halyqtarynyń aldynda sińirgen eren eńbegi úshin Ankara qalasynyń ortalyǵyna QR Prezıdenti N. Nazarbaevtyń eskertkishi ornatylatyny týraly málimdemesin estidik. Bul shyn máninde túrkitildes halyqtardyń arasyndaǵy óz kóshbasshysyna kórsetilgen zor qurmettiń úlgisi», dedi T. Syzdyqov.
Sonymen birge depýtat Ankara qalasynyń ortalyǵynda Qazaqstannyń táýelsizdigin qalyptastyryp, onyń ornyqty damýy úshin zor úles qosqan N. Nazarbaevtyń eskertkishi bolatyny ultymyz úshin úlken maqtanysh ekenin, munyń Elbasy abyroıyn odan saıyn asqaqtata túsetinin atap ótti. «Osy máselege meniń jeke azamattyq kózqarasymdy bildirgim keledi. Nege Qazaqstannyń astanasynda QR Tuńǵysh Prezıdenti N. Nazarbaevtyń eskertkishi Ankara qalasynda salynatyn eskertkishten buryn ornalaspaýy kerek. Shyndyǵynda osy máseleni Parlament depýtattary aıqyndap, onyń durys sheshim tabýy úshin naqty qadamdar jasaýy ıgi», dedi T. Syzdyqov.
