Elbasy Nursultan Nazarbaevqa túsken saýaldardyń sany 5 myńǵa jýyqtady
ANA. Qarashanyń 3-i. QazAqparat /Arman Asqarov/ - Elbasy Nursultan Nazarbaevtyń tikeleı jeli arqyly halyqpen tildesýine oraı jumys istep jatqan Baılanys ortalyǵyna 5 myńǵa jýyq saýal kelip tústi,
dep habarlaıdy QazAqparat.
Búgin halyqty áleýmettik qorǵaý máselesine arnalǵan saýaldar birinshi orynǵa shyǵyp otyr. Osydan keıin turǵyn-úı, zań buzý jáne bilim berý salasynda qordalanǵan problemalar keledi. Ádettegideı, Prezıdentke joldanǵan suraqtar Astana jáne Almaty qalalarynan kóptep túsýde. Aımaqtyq kólemde alǵanda, Almaty, Qaraǵandy jáne Ońtústik Qazaqstan oblystarynyń turǵyndary joǵary belsendilik tanytýda. Sondaı-aq Reseı men AQSh elderinen habarlasyp jatqan azamattar da bar.
Esterińizge sala keteıik, 2009 jyly qarashanyń 13-i kúni Qazaqstan Respýblıkasynyń Prezıdenti N.Nazarbaev «Qazaqstan», «Habar», «Astana qalalyq teledıdary» telearnalary jáne «Qazaq radıosy», «Astana radıosy» boıynsha ótetin tikeleı efırde azamattardyń teleefır, telefon ınternet jáne SMS habarlamalary arqyly túsken suraqtaryna jaýap beretin bolady. Suraqtardy respýblıka boıynsha +7 (7172) 555-777 telefony men KCell, Beeline, Neo, Altel uıaly baılanysyn paıdalanýshylar úshin SMS habarlamalary arqyly 1111 nómirine jiberýge bolady. Sondaı-aq
www.line.gov.kz saıtynyń tıisti tarmaǵyn paıdalana otyryp, beınesuraqty joldaýǵa bolady. Al jazbasha saýaldy vopros@akorda.kz elektrondyq mekenjaıyna jiberýge múmkindik bar.
Aıta keteıik, «Qazaqtelekom» usynǵan baılanys tegin bolsa, uıaly telefondarǵa arnaıy tólemder qarastyrylǵan. «Tikeleı jeli» kezinde Elbasynyń nazaryna ilikpeı qalǵan saýaldarǵa tıisti memlekettik organdar bir aıdyń kóleminde jaýap ázirlep, saıtqa ornalastyratyn bolady. Al Interneti joq aýyldyq jerler úshin ákimdikter janynan qoǵamdyq qabyldaý bólimderi ashylǵan.
