Elbasy Nursultan Nazarbaev Qazaqstannyń halyq artısi, daryndy akter Qudaıbergen Sultanbaevtyń qaıtys bolýyna baılanysty marqumnyń otbasy men týǵan-týystaryna kóńil aıtý jedelhatyn joldady
ASTANA. 21 jeltoqsan. QazAqparat. «Qudaıbergen Táýekeluly óziniń akterlik dara darynymen halqymyzdyń shynaıy súıispenshiligine bólengen óner ıesi edi. Ony jurtshylyq M.Áýezov atyndaǵy Qazaq drama teatrynyń artısi retinde jaqsy bildi.
Áıgili «Tamasha» oıyn-saýyq otaýynyń iretasyn qalaýshylardyń biri bolyp, sonda somdaǵan san qyrly, aıshyqty rólderi arqyly halyqqa keńinen tanyldy. Zor abyroı-bedeliniń arqasynda Parlamentke depýtat bolyp saılandy. Eńbegi men jarqyn dıdaryn halqymyz umytpaıdy dep oılaımyn», - delingen jedelhatta.
