Elbasy Nursultan Nazarbaev: Qazaq jerine kezinde qadam basqan ózge etnos ókilderi osy «jeruıyq» ólkeden baqytyn tapty
ASTANA. Mamyrdyń 1-i. QazAqparat /Rýslan Ǵabbasov/ - Qazaq eli adamdardy násiline qaramaı, eshkimdi de alalamaı, qushaǵyna basyp keledi, dedi Astanada Elbasy Nursultan Nazarbaev Qazaqstan halqy birligi kúnimen quttyqtaý sózinde,
dep habarlaıdy QazAqparat.
«Qazaq eli adamdardy násiline qaramaı, eshkimdi de alalamaı, qushaǵyna basyp keledi. Qazaq jerine kezinde taǵdyrdyń jazýymen qadam basqan ózge etnos ókilderi osy «jeruıyq» ólkeden baqytyn tapty»,-dedi Prezıdent.
N. Nazarbaev elimizde etnos ókilderiniń basyn biriktiretin qutty shańyraq Qazaqstan halqy Assambleıasynyń qurylǵanyna bıyl 15 jyl tolǵanyn aıta kele, osy ýaqyt aralyǵynda bul uıym óziniń ómirsheńdigin dáleldegenin atap ótti.
«Biz bir otbasynyń balalaryndaı, ortaq Otannyń aıasynda ómir súrip jatyrmyz. Otany birdiń júregi bir, tilegi bir, qany men jany bir. El birligi degen qasıetti uǵym - táýelsizdikti nyǵaıtý, tutastyqty saqtaý, ultty uıystyrý, memleketti órkendetý. Árdaıym osy birligimizden aıyrylmaıyq, tatýlyǵymdan tanbaıyq, jubymyzdy jazbaı, bolashaqqa birge qadam basa bereıik, aǵaıyn»,- dedi Memleket basshysy.
