Elbasy Nursultan Nazarbaev elordadaǵy jańa saıabaqty «Jetisý» dep ataýdy usyndy

Aıta keteıik, qalalyq jańa saıabaqtyń aýmaǵy 100 gektar alqapqa sozylyp jatyr. Elbasynyń sózine qaraǵanda, bul saıabaq kólemi jaǵynan Qazaqstanda eń úlkeni bolmaq.

«Osy 100 gektardyń aýmaǵynda botanıkalyq baq jaıqalatyn bolady jáne adamdar demalatyn orynǵa aınalady. Men qalaǵa osy saıabaqty «Jetisý» dep ataýdy usyndym», - dedi N. Nazarbaev.

Osy oraıda Prezıdent búginde Astanada elimizdiń barlyq óńirleriniń ataýlary bar ekenin aıtyp ótti. Endi «Jetisý» ataýymen jańa saıabaq oryndy bolmaq.

«Barlyqtaryńyz jastarsyzdar. Endi qysta jáne jazda demalyp, rahattanatyn bolasyzdar. Sebebi, botanıkalyq baq bolǵandyqtan álemdegi barlyq aǵashtyń túrlerin osynda otyrǵyzamyz. Olardyń kóbisi jylyjaılarda, al qalǵandary dalada ósetin bolady», - dedi Elbasy.