Elbasy Nursultan Nazarbaev: Aýylda jumys isteýge, turýǵa qolaıly jaǵdaılar jasaý jalǵasa beretin bolady
TANA. 11 qarasha. QazAqparat /Qanat Mámetqazyuly/ - Aýylda jumys isteýge, turýǵa qolaıly jaǵdaılar jasaý jalǵasa beretin bolady, dedi Qazaqstan Táýelsizdiginiń 20 jyldyǵyna arnalǵan agroónerkásip kesheni qyzmetkerleriniń respýblıkalyq forýmy barysynda Memleket basshysy Nursultan Nazarbaev.
Elbasynyń aıtýynsha, Qazaqstanda shamamen 7 myńǵa tarta eldi mekender bar. Olardyń 3 myńǵa jýyǵy 2020 jylǵa deıingi el damýynyń aýmaqtyq-keńistiktik damýynyń boljamdy syzbasyna kirgizilgen. Perspektıvalyq ósim núktesi retinde olardyń damýyna qajetti memlekettik resýrstar bólinetin bolady. «Biz qazaqstandyq aýyldardy qaıta qurylymdaý úderisterin jalǵastyra beretin bolamyz. Aýyl turǵyndary úshin tirshilik etýge, jumys isteýge qolaıly jaǵdaılar jasaımyz. Men osy máselege ulttyq kompanııalardy, kásipkerlerdi, qoǵamdy jumylýǵa shaqyramyn», - dedi N. Nazarbaev.
