Elbasy Nurlan Noǵaevtyń jumysyna oń baǵa berdi
«Nurlan Noǵaevtyń jasap jatqan jumysyna oń baǵa beremin. Ol basqaratyn ákimshilikterdiń barlyǵy da qolynan kelgenshe sharýany jasap jatyr. Qoldańdar barlyqtaryń, jumysti birge isteıtin bolaıyq. Atyraý oblysynyń jaǵdaıy, ómiri barlyq ýaqytta da meniń nazarymda. Bir jaǵynan qıyr batysta jatqan óńirmiz, ekinshi jaǵynan osynsha ınvestorlardy basqaryp, jónge salyp otyratyn adam kerek», - dedi Nursultan Nazarbaev.
Elbasy sheteldik ınvestıtsııa, tájirıbe men bilim bolmasa, elimizdiń batysyndaǵy kúrdeli ken oryndaryn ıgere almaıtyndyǵymyzdy atap ótti.
«Bir jyl janǵan 37-shi uńǵyma bolyp edi ǵoı. Amerıkalyqtar kelgenshe búkil Keńes odaǵy bolyp túk isteı almady. Bizdiń mynaý quramynyń 20 paıyzy kúkirt ken oryndarynan munaıdy qalaı alar edik? Baılyǵymyz bar, bizden keıingi urpaqqa da jetetin bolady», - dedi Memleket basshysy.
