Elbasy: NÝ túlekteri - Otanymyzda da, shetelde de suranysqa ıe mamandar
«Oqý - ınemen qudyq qazǵandaı sharýa. Búgin oqý bitirip jatqan 900-den astam stýdenttiń 565-i bakalavrıat baǵdarlamasy boıynsha oqý bitirýde. Sondaı-aq, 403-i magıstratýrany bitirdi. 20 stýdent doktorantýrany aıaqtady. Ótken jyldardyń ishinde (4 jylda) ýnıversıtet qabyrǵasynan 2,6 myń stýdent túlep ushqan bolatyn. Ýnıversıtettiń túlekteri - básekege qabiletti mamandar, Otanymyzda da, shetelde de suranysqa ıe aqyl ıesi dep bilemin. Bakalavrıat boıynsha oqý bitirgen stýdentterdiń 40 paıyzy álemniń úzdik JOO-larynan shaqyrtý alyp, ary qaraı bilimin shyńdaýǵa bekinip otyr. Alaıda olar PhD baǵdarlamasy aıaqtalǵannan keıin Otanyna oralyp, el úshin eńbek etýi kerek. Bul ádilettik qoı - durys pa? Túlekterdiń jartysy qazirgi tańda ekonomıkanyń ártúrli salalarynda tabysty túrde eńbek etýde. Aldaǵy ýaqytta shetelge ketken túlekterimiz tolaǵaı bilimmen elge eńbegin sińiredi degen úmittemin», - dedi Elbasy Nazarbaev Ýnıversıtetinde ótken oqý bitirý rásiminde.
Nursultan Nazarbaev NÝ túlekteri osyǵan deıin 30 startap pen bıznes-joba oılap tapqanyn tilge tıek etti.
«Basqa adamdar úshin jumys oryndaryn ashty. Ótken jyly Bostonda Ǵylym jáne tehnologııa mektebiniń stýdenttik komandasy altyn medal ıelendi. Gendik-ınjenerlik kólikter halyqaralyq baıqaýynda «Elistik» atty ýnıversıtet qyzmetkeriniń jobasyn kommertsıalızatsııalaý turǵysynda erekshe atap ótýge bolady. Bul - jer bólinisin naqty bere alatyn ıntegratsııalanǵan platforma. Bizge ol asa qajet», - dedi ol.
Eske sala ketsek, Nazarbaev Ýnıversıtetinde saltanatty túrde V oqý bitirý rásimi ótip jatyr. Bıyl atalmysh ýnıversıtettegi túlekter sany - 963 stýdent. Onyń ishinde 565 stýdent bakalavrıat baǵdarlamasy boıynsha, 378 stýdent magıstratýra baǵdarlamasy, 14-i - medıtsına doktory jáne 6 stýdent doktorantýra baǵdarlamasy boıynsha oqý bitirýde.