Elbasy Nazarbaev Ýnıversıtetiniń úzdik túlekterine dıplom tabys etti
ASTANA. QazAqparat - Búgin Memleket basshysy Nazarbaev Ýnıversıtetiniń úzdik túlekterine dıplom tabystady.
QR Prezıdenti qolynan úzdik dıplom alǵandar qatarynda Álııa Jaqsıeva, Aısulý Aıtbekova, Anar Qasymova, Ádilet Ótemisov, Temirlan Seıdahmetov, Janar Shoqaeva, Aıjan Temirbaeva, Altynaı Dúısenbekova, Valentına Vınokýrova boldy.
Aıta keteıik, 2010 jyly Qazaqstan Prezıdentiniń bastamasymen qurylǵan bul oqý orny otandyq bilim berýdiń úzdik úlgisi bolyp tabylady. Bıyl Ýnıversıtetti 446 stýdent támamdap otyr. Taratylǵan málimetterge qaraǵanda, jalpy oqý orny ashylǵannan beri jeti mekteptegi stýdentter sany 2 800-ge deıin jetti. Jyl saıyn 500 adam oqý grantyna ıe bolýda. Magıstranttar men doktoranttar da memlekettik bilim berý tapsyrysy boıynsha bilim alady.
