Elbasy «Nazarbaev Ýnıversıtetiniń» prezıdenti Shıgeo Katsýdy qabyldady
Kezdesýde «Nazarbaev Ýnıversıtetiniń» 10 jyl ishinde qol jetkizgen basty jetistikteri men joǵary oqý ornyn odan ári damytý strategııasyn júzege asyrý barysy talqylandy.
Elbasy «Nazarbaev Ýnıversıtetiniń» az ýaqyt ishinde joǵary bilikti kásipqoı kadr daıarlaıtyn jáne otandyq ǵylymdy damytatyn jetekshi oqý ornyna aınalǵanyn atap ótti.
«Jas memleketimizge zamanaýı kadrlar qajet boldy, sondyqtan aldymen «Bolashaq» baǵdarlamasyn jarııaladym. Ýaqyt óte kele bakalavrlardy «Nazarbaev Ýnıversıtetinde» daıarlaı bastadyq. Men osy joǵary oqý ornyna jıi baryp, dıplom tapsyrý rásimine qatysyp turamyn. Ýnıversıtettiń keleshegi zor. Qazir ol kóptegen otandyq joǵary oqý oryndaryna úlgi bolyp otyr. Osynyń bári – sizdiń eńbegińizdiń jemisi», – dedi Qazaqstannyń Tuńǵysh Prezıdenti.
Nursultan Nazarbaev oqý ornyn ári qaraı damytý kerektigine, sonyń ishinde jasandy ıntellekt tehnologııasyn damytý men qoldaný salasyndaǵy jobalardy júzege asyrýǵa nazar aýdardy.
«Bizdiń baǵdarlamamyzdyń kelesi damý kezeńi – Jasandy ıntellekt kampýsyn ashý. Ony Almatyda qurý josparlanyp otyr. Jobany iske asyrýǵa qatysatyn sheteldik kompanııalarmen kelissóz de júrgizildi», – dedi Elbasy.
Óz kezeginde Sh.Katsý Ýnıversıtettiń 2018-2030 jyldarǵa arnalǵan strategııasynyń negizgi ındıkatorlaryna qol jetkizilgeni týraly baıandady. «Nazarbaev Ýnıversıteti» derbes bilim berý mekemesi prezıdentiniń málimetine sáıkes, búginde joǵary oqý ornynda 6,8 myńnan astam stýdent bilim alýda. Ashylǵannan beri 5 myńnan astam ǵylymı maqala jaryq kórip, 300 ǵylymı joba júzege asty. Ǵylymı zertteýlerdiń sapasy boıynsha «Nazarbaev Ýnıversıteti» Eýrazııa keńistigindegi 10 úzdik joǵary oqý ornynyń qataryna qosylyp, qurlyqtaǵy jetekshi oqý oryndaryna básekeles bolyp otyr.
