Elbasy Nazarbaev Ýnıversıtetiniń alǵashqy túlekterine dıplom tapsyrady
ASTANA. QazAqparat - Búgin Memleket basshysy Nazarbaev Ýnıversıtetiniń alǵashqy túlekterine saltanatty túrde dıplom tapsyrý rásimine qatysady.
Bul týraly Aqordanyń baspasóz qyzmetinen habarlady.
Aıta keteıik, QR Prezıdenti Nursultan Nazarbaev 2009 jyly halyqaralyq deńgeıdegi ýnıversıtet qurý týraly jobaǵa bastamashylyq etken bolatyn. 2010 jyly Nazarbaev Ýnıversıtetiniń esigi alǵashqy stýdentterge ashyldy.
Jańa ýnıversıtet ınnovatsııalyq zertteý qyzmetin júrgizýge baǵyttalǵan qazirgi zamanǵa saı, kúshti ǵylymı ınfraqurylymy bar ýnıversıtet bolýdy maqsat etip otyr. Ýnıversıtetke eń úzdik ulttyq jáne halyqaralyq zertteýshiler shaqyrylady, olarǵa shyǵarmashylyq qyzmetti júzege asyrý úshin barlyq qajetti jaǵdaılar jasalady.
