Elbasy Nazarbaev Ýnıversıeti túlekterine kásiporyndarda jumys isteýge keńes berdi
ASTANA. QazAqparat - Búgin Nazarbaev Ýnıversıteti túlekteriniń ekinshi saltanatty oqý bitirý rásiminde Elbasy Nursultan Nazarbaev dıplom alǵan jastarǵa kásiporyndarda jumys isteýge keńes berdi.
«Búginde biz sizder sııaqty mamandardy qajetsinip otyrmyz. Sondyqtan, sizderdi ulttyq kompanııalar men kásiporyndardyń óndirisine batyl barýǵa shaqyramyn», - dedi Memleket basshysy.
QR Prezıdenti bıylǵy túlekterdiń jartysyna jýyǵy oqýlaryn jalǵastyrýǵa nıet tanytyp otyrǵanyn aıta kele, qalǵandaryna kásiporyndarda jumys isteýge, tájirıbe jınaýǵa keńes berdi. Al Nazarbaev Ýnıversıteti basshlyǵyna túlekterdi jumysqa ornalastyrý máselesimen tyńǵylyqty aınalysýdy tapsyrdy.
«Elimizdiń ulttyq holdıngteri men kopanııalar, memlekettik organdar men Úkimettiń ózi halyqaralyq deńgeıdegi otandyq mamandarǵa múddelik tanytýlary tıis jáne Nazarbaev ýnıversıtetimen olady jumysqa ornalastyrýda birlese jumys isteýleri qajet. Ýnıversıtettiń qamqorshylyq keńesi men basshylyǵy bul máselemen aınalysýy jáne naqty usynystarmen Úkimetke shyǵý tıis», - dedi N.Nazarbaev.
