Elbasy N.Nazarbaevtyń Úkimet aldyna qoıǵan tapsyrmalary taǵy márte pysyqtaldy
Atap aıtqanda, Prezıdenttiń memlekettiń qatysýymen jumys isteıtin kásiporyndardyń jekemenshik sektorǵa berý úshin tizimin anyqtaý, geologııalyq barlaý jumystary baǵdarlamasyn daıyndaý, «Samuryq-Qazyna» AQ quramyna enetin kompanııalardyń óndirispen tikeleı aınalysatyn jumysshylarynyń eńbekaqysyn kóterý jáne basqa da tapsyrmalaryn júzege asyrý boıynsha máseleler qaraldy.
«Sondaı-aq halyqaralyq «Qazaqstan Jibek Joly» deńgeıinde kólik-logıstıkalyq júıe qurý, «Kendirli» kýrortyn odan ári damytý boıynsha usynystar engizý jáne jańǵyrtylǵan tabıǵı resýrstardy paıdalaný salasynda otandyq ǵylymdy damytýǵa qoldaý kórsetý boıynsha tapsyrmalardyń oryndalý barysy qaraldy», - dep habarlady QR Premer-Mınıstriniń resmı saıty.
«Tutastaı alǵanda, Prezıdent tapsyrmalaryn oryndaý jaqsy júrip jatyr. Birinshi basshylar bul máselelerdi aıryqsha nazarda ustaýy kerek. Biz memlekettik organdardyń esepterin turaqty túrde tyńdaıtyn bolamyz»,-dep túıindedi Serik Ahmetov.
