Elbasy N. Nazarbaevtyń saılaýdaǵy jeńisi partııaǵa erekshe jaýapkershilik júkteıdi - Q. Aqsaqalov
ANA. 15 sáýir. QazAqparat /Qanat Mámetqazyuly/ - 3 sáýirde ótken kezekten tys saılaýda Elbasy N. Nazarbaevtyń aıqyn jeńiske jetýi «Nur Otan» partııasyna erekshe jaýapkershilik júkteıdi.
Búgin «Islam Konferentsııasy Uıymyna Qazaqstan tóraǵalyǵynyń kún tártibi» atty taqyrypta ótken semınar-trenıngte «Nur Otan» HDP ortalyq apparaty basshysynyń orynbasarny Qumar Aqsaqalov osylaı málim etti.
«Nur Otan» HDP Lıderi, Elbasy N. Nazarbaevtyń saılaýdaǵy aıqyn jeńisi bizge, partııamyzǵa barlyq reformalardy júzege asyrý úshin erekshe jaýapkershilik júkteıdi», - dedi jıyndy ashyp sóz sóılegen Q. Aqsaqalov. Onyń aıtýynsha, búgingi semınar Qazaqstannyń Islam konferentsııasy uıymyna tóraǵalyq etýge daıyndyq barysyndaǵy basymdyqtardy talqylaý maqsatynda uıymdastyrylǵan. Bul rette Qazaqstannyń ıslam álemimen ekonomıkalyq yntymaqtastyq múmkindikteri, ıslam ekonomıkasynyń qaǵıdattaryn qoldanýdaǵy basymdyqtar týraly máseleler talqylaný maqsat etiledi. Budan bólek, jıyn barysynda Qazaqstannyń Islam konferentsııasy uıymyna tóraǵalyǵy barysynda syrtqy saıası bastamalardyń sarapty taldaýy qajettiligi aıtyldy.
