Elbasy N.Nazarbaevtyń «Ómir ótkelderi» atty syr-suhbat kitaby tanystyryldy (FOTO)

ASTANA. QazAqparat - Búgin elordada QR Prezıdenti Nursultan Nazarbaevtyń «Ómir ótkelderi» atty suhbat kitabynyń tusaýkeser rásimi ótti. Saltanatty sharaǵa QR Memlekettik hatshysy Gúlshara Ábdiqalyqova, Parlament depýtatattary, zııaly qaýym ókilderi qatysty.

«Táýelsiz elimizdiń Tuńǵysh Prezıdenti, álemdik deńgeıde birtýar tulǵa, Elbasy Nursultan Ábishuly Nazarbaevtyń tarıhı ómiri jaıynda jazylǵan shyǵarmalar qatary mazmuny tereń jańa týyndymen tolyǵyp otyr. «Ómir ótkelderi» atty kitap el Prezıdentiniń «Egemen Qazaqstan» gazetiniń birinshi basshysy, qoǵam qaıratkeri Saýytbek Abdrahmanovqa sońǵy jyldary bergen suhbattarynyń toptamasy retinde jaryq kórdi. Nursultan Ábishuly Nazarbaevtyń ómirbaıandyq joly alǵash ret óziniń «Ádilettiń aq joly» atty kitabyn baıandalǵanyn bilemiz. Qazaqstan Prezıdenti sol kitaptan beri jaryqqa shyǵarǵan kitaptarynyń barlyǵyn eldiń strategııalyq damý baǵytynyń jekelegen tarmaqtaryna arnap otyrǵany málim. Sondyqtan «Ómir ótkelderi» Memleket basshysynyń táýelsizdik alǵan 1991 jyldan keıin ózi týraly áńgimelegen 2-shi kitaby deýge bolady», - dedi G.Ábdiqalyqova.

Kitapta Elbasy óziniń shyqqan teginen, balalyq shaǵynan bastap, mekteptegi, Dneprodzerjınskidegi jastyq jyldary, Temirtaýdaǵy qurysh quıǵan shaǵy týraly áserli áńgimeleıdi.