Elbasy N. Nazarbaevtyń kitabynyń tusaýy kesildi
ANA. 4 shilde QazAqparat Qanat Mámetqazyuly - Búgin Astanadaǵy Táýelsizdik saraıynda ótip jatqan ASTANA MINING & METALLURGY atty 2-shi halyqaralyq taý-ken metallýrgııa kongresi aıasynda Elbasy N. Nazarbaevtyń «HHІ ǵasyrdaǵy ornyqty damýdyń jahandyq energoekologııalyq strategııasy» atty kitabynyń tanystyrylymy bolyp ótti.
Bul kezekti týyndy avtor N. Nazarbaevtyń buǵan deıingi eńbekteriniń shynaıy jalǵasy bolyp tabylady ári 2012 jyly ótýi josparlanǵan "RIO-20" Ornyqty damý jónindegi Búkildúnıejúzilik sammıtke baǵyttalǵan ózindik joldaý ispettes.
Monografııada jahandyq energetıkalyq damýdy qalyptastyrý ádisterin paıdalaný arqyly HHІ ǵasyrdaǵy energoekologııalyq ornyqty damý strategııasynyń negizderi usynylady. Bul rette avtor N. Nazarbaev álemdegi energetıkalyq‑ekologııalyq jaǵdaıdy, onyń HHІ ǵasyrdaǵy ózgeristerin saraptaı kele, ǵalamdyq energetıkalyq‑ekologııalyq strategııany júzege asyrý joldaryn usynady. Bul ádister naqty shemalarmen jáne Qazaqstan men basqa da EýrAzEQ elderiniń energetıkalyq‑ekologııalyq damý algorıtmderimen sýretteledi.
Jalpy, Elbasy kitaby búgingi kúnniń ózinde olardyń sheshimderi ǵalamdyq órkenıet keleshegine tyǵyz baılanysty bolyp tabylatyn ǵalymdarǵa, saıasatkerlerge, bilim salasynyń ókilderine, memlekettik jáne mýnıtsıpaldy basqarýshylarǵa, qoǵam qaıratkerleri men bıznes ókilderine qyzyqty ári asa paıdaly bolatyndyǵyn aıtady, mamandar. "Kitap mazmuny jaǵynan akademııalyq sıpatta jazylǵan. Ol keń aýqymdy oqyrmanǵa qoljetimdi ári jatyq tilimen, túsiniktiligimen erekshelenedi. Ózine ǵana tán prezıdenttik stıldiń qaıtalanbas sheberligimen órnekteledi. Mátininiń baılyǵy tek qana ekonomıster men ǵalymdarǵa ǵana emes, týyndyny qatardaǵy oqyrmanǵa da asa túsinikti etedi. Bul kitapty ýnıversıtetterde, joǵary oqý oryndarynda, onyń ishinde ekonomıkalyq, ekologııalyq fakýltetterde ǵana emes, ártúrli baǵyttarda da oqytýǵa bolatyn qural retinde paıdalanýǵa bolady. Óıtkeni, kitap jahandyq problemany qozǵap otyr", ‑ dedi tusaýkeser barysynda sóz sóılegen QR Parlamenti Senatynyń depýtaty Anatolıı Bashmakov.
