Elbasy N. Nazarbaevtyń atyna halyq tarapynan 40 myńnan astam saýal kelip tústi
ASTANA. Qarashanyń 12-si. QazAqparat /Arman Asqarov/ - Búgin, qarashanyń 12-sine deıin Elbasy Nursultan Nazarbaevtyń tikeleı jeli arqyly halyqpen tildesýine oraı Astanada jumys istep jatqan Baılanys ortalyǵyna qazaqstandyqtardyń tarapynan 40 myńnan astam saýal kelip tústi,
dep habarlaıdy QazAqparat.
Saýaldardyń basym bóligi halyqty áleýmettik qorǵaý jáne turǵyn úı máselesine arnalǵan. Qazirgi kezde osy sanattaǵy suraqtar barlyq hat-habarlardyń 40 paıyzyn qamtıdy. Budan keıin zań buzý, bilim berý, bank júıesi jáne adam quqyqtary salasyndaǵy máseleler keledi. Saýal qoıý jaǵynan Astana, Almaty, Ońtústik Qazaqstan, Qaraǵandy, Shyǵys Qazaqstan jáne Aqmola oblystary kósh bastap keledi.
Sondaı-aq Qazaqstan Prezıdentiniń tikeleı jelisiniń baılanys ortalyǵyna Ýkraına, Armenııa, Túrkııa, Monǵolııa, AQSh, Ázirbaıjan jáne taǵy basqa elderdegi azamattar habarlasýda.
Baılanys ortalyǵynyń mamandary habarlaǵanyndaı, sońǵy kezde Elbasyǵa SMS arqyly túsken saýaldardyń sany kóbeıip keledi.
Aıta keteıik, Elbasy N. Nazarbaevtyń halyqpen tildesýi erteń, qarashanyń 13-i kúni keshki saǵat 18.00-de bastalady.
