Elbasy N.Nazarbaev ońtústiktegi 3 oblystyń áleýetin belsendi paıdalanyp, Almatynyń azyq-túlik beldeýin qurýdy júktedi
ASTANA. 12 mamyr. QazAqparat - Almaty tolyǵymen ózindik azyq-túlikpen qamtamasyz etilýi qajet. Bul týraly QR Prezıdenti Nursultan Nazarbaev Almatynyń áleýmettik-ekonomıkalyq damýyna arnalǵan alqaly jıyn barysynda aıtty.
Memleket basshysy óz sózinde qazirgi ýaqytta ońtústik astananyń azyq-túlik beldeýin qurý boıynsha keshendi josparynyń joq ekendigin atap ótti. Osyǵan oraı Elbasy Almaty jáne Almaty oblysynyń ákimderine Aýyl sharýashylyǵy mınıstrligimen birlesip, tıisti sharalar qabyldaýǵa tapsyrma berdi.
«Ne jáne qaıda salynatyn bolady, oblystardyń qandaı aýdandaryn tartý kerek? Jambyl jáne Ońtústik Qazaqstan oblystaryn tartý qajet. Olar úshin bul - naryq, al qala úshin - azyq-túlik taýarlarymen qamtamasyz etilý jáne asa mańyzdy azyq-túlik baǵasynyń kóterilýine múmkindik bermeıdi», - dedi N.Nazarbaev.
Prezıdenttiń atap ótýinshe, qazirgi tańda kókónis óńdeý jáne qalbyrlaý, shyryn shyǵarý kásiporyndary nebári 25 paıyz ǵana qamtamasyz etilgen. Qolda bar qýatty aýyl sharýashylyǵy taýarlaryn shyǵarýshylardyń ónimderimen qamtamasyz etý qajet. Osyǵan uqsas jaıt sút jáne et óńdeýde de baıqalady. Qýattylyq bar, degenmen olar paıdalanylmaıdy. Qalalyq kásiporyndar toqtap qalýǵa jaqyn. Sonyń nátıjesinde áleýmettik mańyzy bar negizgi azyq-túlik taýarlarynyń quny qymbattaýy múmkin. Sondyqtan sharalar qabyldaý qajet.
