Elbasy N.Nazarbaev basqa oppozıtsııalyq partııalardyń saılaýǵa qatyspaǵanyna ókinish bildirdi
ASTANA. 4 sáýir. QazAqparat /Marlan Jıembaı/ - Búgin Aqordada sheteldik jáne otandyq BAQ ókilderine arnalǵan baspasóz máslıhatynda Elbasy Nursultan Nazarbaev basqa oppozıtsııalyq partııalardyń prezıdenttik saılaýǵa qatyspaǵanyna ókinish bildirdi.
«Basqa oppozıtsııalyq partııalardyń saılaýǵa qatyspaǵanyna ókinish bildiremin. Degenmen, biz olardy saılaýǵa túsýge belsendi túrde shaqyrdyq. Biraq bul ózderiniń sharýalary jáne partııanyń erikti sheshimi», - dedi Memleket basshysy.
Sonymen qatar N.Nazarbaev kezekten tys Prezıdenttik saılaýǵa túsken opponentterine búgin alǵys bildirgendigin atap ótti. «Men basynan-aq saılaý úderisi boıynsha belsendi jumystar júrgizbeıtindigimdi málimdedim. Men laýazymym boıynsha kúndelikti aınalysýym tıis jumystardy atqardym. Sondyqtan basqa kandıdattarǵa tolyq múmkinshilik boldy. Ózderińiz olardyń bizdiń elimizdiń barlyq óńirlerindegi qalalarda jáne aýyldarda erkin bolý múmkindigine ıe bolǵandyǵyn kórdińizder», - dedi Elbasy.
Sondaı-aq Memleket basshysy saılaý naýqany barysyn jiti qadaǵalap otyrǵandyǵyn atap ótti. Kandıdattar tarapynan óte mańyzdy, qyzyqty usynystardyń da bolǵandyǵyn tilge tıek etip, olardyń kelisimimen odan ári yntymaqtastyq ornatýǵa usynys bildiretindikterin aıtty.
