Elbasy N.Nazarbaev Astanada ashylǵan 51-shi Halyqaralyq matematıkalyq olımpıadaǵa qatysýshylardy quttyqtady
ASTANA. Shildeniń 6-sy. QazAqparat /Gúlmıra Álıakparova/ - Búgin Astanada 51-shi Halyqaralyq matematıkalyq olımpıada saltanatty túrde ashyldy. Álemniń túkpir-túkpirinen kelgen olımpıada qatysýshylaryna QR Prezıdenti Nursultan Nazarbaev quttyqtaý hat joldady.
Quttyqtaýdy QR Bilim jáne ǵylym mınıstri Janseıit Túımebaev oqydy.
«100-den astam el ókilderin jınaǵan jastardyń bul ǵylymı forýmy Qazaqstanda alǵash ótkizilip otyr. Onyń ótkizilý orny retinde Astananyń tańdalýynda tereń maǵyna jatyr. Birinshiden, negizin Ál-Farabı men Ál-Horezmı sekildi belgili ǵalymdar qalap ketken - shyǵystyń ejelgi matematıkalyq mektepteriniń murageri - bizdiń elimiz úshin bul úlken mártebe. Bul qazirgi zamanǵy matematıkanyń damýyna qazaqstandyq ǵalymdardyń qosyp jatqan súbeli úlesteriniń moıyndalýy. Bul - 1992 jyldan bastap halyqaralyq matematıkalyq olımpıadalarǵa qatysqan qazaqstandyq jastardyń birlesip jetken jetistikterine berilgen azdaǵan baǵa», - delingen Elbasynyń quttyqtaýynda.
Sondaı-aq QR Prezıdenti, Astanada ótken matematıkadan halyqaralyq olımpıada bizdiń jastarymyz úshin dostyqty nyǵaıtýǵa, álemdegi qurby-qurdastarymen ǵylymı ıdeıalarmen jáne talanttarmen almasýǵa jańa ynta beredi degen senimin bildirdi.
