Elbasy muǵalimder qaýymyna mańyzdy mindetter júktedi - E.Bımaǵambetov, BQO
ORAL. 5 qyrkúıek. QazAqparat - Biz, daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq qazaq mektep-ınternaty kesheni ustazdary men shákirtteri Elbasynyń Nazarbaev ýnıversıtetinde bergen dárisin zeıin qoıa tyńdadyq.
Bul týraly mektep-ınternat kesheniniń ınternat meńgerýshisi Esengeldi Bımaǵambetov málim etti.
«Elbasy óz dárisinde bilim, ǵylym salasy aldynda turǵan jańa mindetterge jan-jaqty toqtalyp, naqty baǵyt-baǵdar belgilep berdi. Prezıdentimizdiń «Bári de mektepten bastalady. Biz muǵalim mamandyǵynyń bedeli men abyroıyn qaıtarýǵa mindettimiz» deýi úlken oı saldy. Sondyqtan jas urpaqqa tereń bilim, ornyqty tárbıe berý jolynda aıanbaýymyz kerek», dedi E.Bımaǵambetov.
